Eksodha 34:32 - Bhiblia Yo Sawuleka

³² Ngu msana ka toneto, votshe vanana va ka Israyeli va to tshuketa hafuhi kwakwe, aha ene a nga va xawutela totshe ti Mkoma a nga ti mleletete kona mmangoni ka Sinayi.

Eksodha 34:32 Referans Kwoze

1 Vakorinto 15:3

Nguko kukhata, ni mi gondisile tiya nani ni nga gondiswa: Ti ta ku Kristu a fite ngu mhaka ya sionho sathu, nga tiya yi wombisako tona Mibhalo.

1 Vakorinto 11:23

Kha ditshuri ni ti amukete ka Mkoma timhaka ti ni nga tshumela ni txi mi ninga nanu, ti taku: Mkoma Jesu, ka wusiku wu a nga ningelwa ngu wona, a tekile dipawu;

Matewu 28:20

mi txi va gondisa kuvekisa totshe tiya ni nga mi leleta tona. Se wonani, ni ni nanu yotshe mbimo, kala kugumani ka mafu.”

1 Vafumeli 22:14

Sekoko Mikaya a to khene: Ni xambanya ngu Mkoma a hanyako ti taku, ati Mkoma a no ni gela, ni na maha.

Mitengo 15:40

Mi na khumbula yotshe milayo yangu, mi yi maha, mi txi maha eto mi na va vo sawuleka ka Txizimu txanu.

Eksodha 24:3

A di wuyile koko Mosi a to ta txhamusela ka vathu mapswi a Mkoma ni sotshe sileleto, sekoko vathu va to xamula ngu dipswi dimwedo. Va to kha vona: “Otshe mapswi ale Mkoma a nga ma womba, hi na ma maha.”

Eksodha 21:1

Ayiya ngu yona milayo yi u no vekela va ka Israyeli:

Eksodha 34:31

Sekoko Mosi a to dhana Aroni ni vathangeli va msengeletano, va txi ya hafuhi kwakwe, se Mosi a to womba-womba navo.

Eksodha 34:33

Mbimo yi Mosi a nga gwita kuwombawomba navo, a to ti fenengeta khohe ngu nguwo.

Eksodha 35:1

Sekoko Mosi a to tshanganisa msengeletano wotshe wa vanana va ka Israyeli, a txi va gela ku khene: “Ngu tiya Mkoma a nga ruma ti to hi txi ti maha ni ku ti vekisa: