Eksodha 34:31 - Bhiblia Yo Sawuleka

³¹ Sekoko Mosi a to dhana Aroni ni vathangeli va msengeletano, va txi ya hafuhi kwakwe, se Mosi a to womba-womba navo.

Eksodha 34:31 Referans Kwoze

Eksodha 3:15

Se Txizimu txi to kha txona ka Mosi: “U na ya womba ka vanana va ka Israyeli u txi khawe: Mkoma Txizimu txa vatate vanu, Txizimu txa Abrahamu, Txizimu txa Isaake ni Txizimu txa Jakobe txi ni rumile kwanu. Adiya nditina dangu ngu hawa ku si gwitiko, di na va txialakanyiso txangu ka liveleko ni liveleko.”

Genesisi 45:15

Josefa ngu msana ka kona a to pswopswa vanawe votshe, a txi va khutarela ngu diganda, na a txi dila. Msana keto, ngu kona vanawe va nga sikota kuwombawomba nayo.

Genesisi 45:3

Se Josefa a ti khene ka vanawe: “Ani ngani Josefa. Tate wangu a ngadi a txi hanya kani?” Aniko vanawe kha va sikota ni kuxamula, nguko va ti dhukile ngutu masoni kwakwe.

Eksodha 16:22

Ngu mhaka yeto, ka ditshiku da wutxhanu ni dimwedo va to rolela sakudya so enela masiku mambidi, mipimo yimbidi ya homeri ngu m'thu ni m'thu; se madhota a msengeletano va to ya ka Mosi va txi ya womba.

Eksodha 34:30

Aroni ni votshe vanana va ka Israyeli mbimo yi va nga wona Mosi, va woni ti to khohe yakwe ya phatima, se kha va tsana va txi tshuketa hafuhi kwakwe.

Eksodha 34:32

Ngu msana ka toneto, votshe vanana va ka Israyeli va to tshuketa hafuhi kwakwe, aha ene a nga va xawutela totshe ti Mkoma a nga ti mleletete kona mmangoni ka Sinayi.