Eksodha 34:26 - Bhiblia Yo Sawuleka

²⁶ U na tisa mihando yo khata ya thembweni kwako Nyumbani ka Mkoma, Txizimu txako. Khu na mbi bhika nyama ya phongo ngu masi a mame wa yona.

Eksodha 34:26 Referans Kwoze

Eksodha 23:19

Matiwula, mihando yo khata ya mafu, u na yi tisa Nyumbani ka Mkoma, Txizimu txako; u nga bhike txihongwana ngu masi a mame wa txona.

Dhewuteronome 14:21

Mi nga dyeni ni txa tximwetxo txihari txa ku ti fela; u na txi ningela ka mluveli wu a hanyako ha txikeni kwako a txi dya, mwendo ku txi xavisa ka wa matiko, nguko anu mi vathu vo sawuleka ka Mkoma, Txizimu txako. Mi nga bhikeni txihongwana ngu masi a mame wa txona.”

Dhewuteronome 26:2

sekoko u na teka mihando yo khata ka yotshe mihando yile u no elula ka dona ditiko dile Mkoma, Txizimu txako, a no kuninga, u na yi veka amu ka txirundu, u txi tsula nayo ka wukhalo wule Mkoma, Txizimu txako, a no wu sawula, kasi ku ditina dakwe di txi dhumiswa ka wona.

1 Vakorinto 15:20

Aniko hi nga tona! Kristu a wukile ngu ka vo fa, ngene matiwula a votshelele va va nga otela.

Matewu 6:33

“Kukhata, lavani Mfumo wa Txizimu ni kululama ka txona, ani sotshe siya mi na engetelwa.

Dhewuteronome 26:10

Se wona taku, ni tisile mihando yo khata ya mafu awa u nga ni ninga, awe Mkoma.” Sekoko u na yi veka masoni ka Mkoma, Txizimu txako, kambe u na khizama masoni ka Mkoma Txizimu txako.

Jakobe 1:18

Ngu kuranda kwakwe ene, a hi velekile ngu dipswi da ditshuri, kasi ku hi txi maha matiwula a siwumbwa sakwe.

Levhi 23:10

Gela vanana va ka Israyeli u txi khawe: Ngako mi di wulete ka ditiko di ni no mi ninga, na ku di hokile mbimo yo elula, mi fanete kuya ningela ka mphaxeli nyanda yo khata ya si mi no elula;

Levhi 23:14

Mi nga dyeni mapawu, hambi fulaho yo katingwa, mwendo miburu, kala donedo ditshiku mi no va mi txi tisa mningelo, wa nyanda yo ndiwitela, ka Mkoma, Txizimu txanu; awuwa mthetho mbwa yotshe mbimo kala kupinduka, ka liveleko ni liveleko la ka kwanu, kotshe mu mi no maneka mi di akile kona.

Mitengo 15:20

Ka sile so khata kuelulwa, mi na ningela txibhubhutela txo ndiwitelwa; kumweko ni mningelo wa wuhuleloni, mi na ningela tona eto.

Mitengo 18:13

Yotshe mihando yo khata ya ditikoni kwako, ayi yi ningelwako ka Mkoma, yi na kulumba; ni votshe ava va mahako ta tinene va nyumbani kwako, va na dya sotshe.

Nehemiya 10:35

Ni kuneha kambe dilembe ni dilembe Nyumbani ka Mkoma, mihando yo khata ya mafu athu ni yotshe mihando yo khata ya mindonga yotshe.