Eksodha 34:25 - Bhiblia Yo Sawuleka

²⁵ U nga phaxeli ha magandeloni kwangu ngu mnoha ni mapawu o tshumbelwa, mphaxo wa M'buso wa Pasika kha wu na mbi zumba wotshe wusiku kala mangwana.

Eksodha 34:25 Referans Kwoze

Eksodha 23:18

U nga ningele mnoha wa mphaxo wangu kumweko ni dipawu do tshumbelwa; kambe ku nga sale mafura a ku ni lumba amu ka m'buso, kukhukhela wusiku kala ni mixo.

Eksodha 12:10

Ni txa tximwetxo txi nga sale kala mangwanani ka kona, ngako ku txi sala txokari, mi nata txi hisa mangwanani ka kona ni mixo ha mndiloni.

Dhewuteronome 16:3

U nga dye dipawu do tshumbelwa; amu ka mtxhanu wa masiku ni mambidi u na dya dipawu da kuxaniseka, (nguko u humile ngu txikuluveta ditikoni ka Egipta) u na maha toneto ka otshe masiku a kuhanya kwako, kasi kukhumbula ditshiku da kuhuma kwako ngu Egipta.

Mitengo 9:12

Se mbimo ya kudya, va nga siye txo tadya mangwana, kambe va nga funye dirambu ni da dimwedo; mi na maha madingano ni sotshe sileleto sa Pasika.

Levhi 7:15

Nyama ya txihari txi txi nga mahwa mningelo wa mhamba ya mpatano, yi fanete kudyiwa yotshe ka dona ditshikudo da mhamba, ku si sali ni txa txidotho txo ta dyiwa mangwanani ka kona.

Eksodha 29:34

Nga ti ku txi sala kala mangwanani ka kona didhawa da nyama ni mapawu a kona, asi si nga mahwa mningelo wa kuningelisiswa, u na si hisa ha mndiloni; kha si na mbi dyiwa, nguko nzilo so katekiswa.

Eksodha 12:20

Ngu mhaka yeto kha mi na mbi dya dipawu do tshumbelwa: Ka makhalo otshe aale mi no maneka ka ona, mi na dya so mbi tshumbelwa.”

Eksodha 12:8

Ka wusiku wonewo, va na dya nyama yo bawulwa ha mndiloni; ni mapawu o mbi tshumbelwa.

Matewu 13:33

Se a to engeta e va gela tximwani txidinganiso a txi khene: “Mfumo wa nzumani wu fana ni mtshumbelo, awu wamsikati wokari a wu tekako e wu pata mu ka mipimo yiraru ya mpupu, kala kuza sotshe si vila.”

Levhi 2:11

Mningelo wuhi ni wuhi wa sakudya, awu wu mahelwako Mkoma, wu nga ve wa simbwanda so tshumbelwa; kambe mi nga theleni mtshumbelo hambi wulombe, ka mningelo wuwa wo hiselwa Mkoma.

Dhewuteronome 16:4

Amu ka mtxhanu wa masiku ni mambidi, ku nga thuke ku txi maneka mtshumbelo ka dotshe ditiko dako; ni nyama yi u nga daya ni minova ya ditshiku do khata, ku nga sale txilo kala mangwanani ka kona.