Eksodha 34:24 - Bhiblia Yo Sawuleka

²⁴ Nguko ani ni na tutumisa mifumo masoni kwako, kambe ni na engetela ditiko dako; ni wammweyo kha na mbi navela dithepele dako nga ti u txi kwela u txi ya ti wonekisa masoni ka Mkoma, Txizimu txako, kuraru ngu dilembe.

Eksodha 34:24 Referans Kwoze

Masalmo 78:55

Txi tutumisile vamatiko masoni ka Vaisrayeli, txi abanisela thomba yawe ka vathu va txona txi akisa tihunzu ta ka Israyeli matendani kwawe.

Eksodha 33:2

Ni na ruma ngelozi yi txi thangela masoni kwako (ni na humisa hahanze Vakanana, Vaamori, Vaheti, Vaferezi, Vahevhi ni Vagebhuzi),

Mithumo 18:10

nguko ani ni ni nawe, kha ku nga ni m'thu wu a no kuwukela e kumaha ta walo nguko nina ni vathu vavangi didhoropani muwa.”

Mavingu 16:7

Ngako tinzila ta m'thu ti txi tsakisa Mkoma, a maha taku m'thu e mana kuthutha ni valala vakwe.

Dhewuteronome 12:20

Mbimo yi Mkoma, Txizimu txako, a no endelekisa ditiko dako, nga ti a nga kugela, se u txi womba ku khawe: “Ani ni na dya nyama,” nguko u txi navela kudya nyama, wa sikota kudya nyama nga ti u ti lavisako tona.

Masalmo 80:8

U wuyisile ngu Egipta mndonga wa m'vhinya, u tutumisile vathu va mahedheni, u txi wu phaya.

1 Makronika 4:10

Nguko Jabhesi a to kombela ka Txizimu txa Israyeli, a txi khene: Ni katekise ngutu, u anamisa mihingano yangu, ni dianza dako di va ni nani, ni ku ni vhikela ka sikarato! Se Txizimu txi to mninga ati a nga kombela.

Dhewuteronome 19:8

Ngako Mkoma, Txizimu txako, a txi maha ti to ditiko dako di txi anda, nga ti a nga xambanya ka vatate vako, se e kuninga dotshe ditiko di a nga thembisa ti to a na di ninga vatate vako,

Dhewuteronome 7:1

“Ngako Mkoma, Txizimu txako, a di ku wuletile ka ditiko di uyako ka dona, kasi ku u txi ya di fuma, a di tutumisile matiko amangi masoni kwake, Vaheti, Vagirigaxi, Vaamori, Vakanana, Vaferezi, Vahevhi ni Vajebhusi mtxhanu wa matiko ni mambidi a vathu vo tola ni mtamo wa hombe kupinda awe.

Genesisi 35:5

Vona va to khukha ha wugoveloni hale va nga ti kona, se Txizimu txi to thela dizowa da hombe, ka vathu va madhoropa otshe ma nga ti hafuhi, ti to ku si maneki m'thu ni wammweyo wa kutsana a txi londeta Jakobe ni ngamu yakwe.

Jobe 1:10

Ina awe khwa mranganyeta ngu tithomba, ni nyumba yakwe, ni sotshe sile a ku naso kani? U katekisile mithumo ya manza akwe, wufuyi wakwe wa anda ha mafuni.

2 Makronika 17:10

Yotshe mifumo ya ditiko a yi yi rendelekako ditiko da Judha yi to tala ngu kuthava Mkoma vona kha va wusa yimbi yo lwa ni Josafati.

Levhi 18:24

Mi nga ti bihiseni ngu kumahetela tona timhaketo, nguko va ti bihisile toneto vathu vale ni va tovelako masoni kwanu.

Eksodha 34:11

Xayisa ati nyamsi ni ku leletako, ni na tutumisa masoni kwako Vaamori, Vaheti, Vaferezi, Vahevhi ni Vajebhuzi.

Dhewuteronome 16:16

Sikhati siraru ngu dilembe votshe vavamna va fanete kuya ti kombekisa masoni ka Mkoma, Txizimu txako, ka wukhalo wule ene a nga wu sawula: Ka M'buso wa Mapawu o mbi Tshumbelwa, ni ka M'buso wa Mavhiki ni ka M'buso wa Matenda; kambe a nga ti kombekise masoni ka Mkoma a sa ñola txilo;

Masalmo 120:1

Kuxanisekani kwangu, ni pekile huwa ka Mkoma, se ene a ni engisile.

Genesisi 15:18

Ka donedo ditshiku, Mkoma a to maha Txitumelelano ni Abramu, a txi khene: “Ni ningete ditiko diya ka liveleko lako, kukhukhela mnamboni ka Egipta, kala ka mnambo wa hombe, wa Ewufrate.

1 Vafumeli 5:1

Hiramu, mfumeli wa Tiro, a to rumela sithumi sakwe ka Solomoni (nguko a nga pfa taku Solomoni a totilwe wukoma wukhaloni ka tate wakwe), nguko Hiramu a ti dhunda Dhavhidha.