Eksodha 34:23 - Bhiblia Yo Sawuleka

²³ Vathu votshe vavamna va ku hagari kwako va na ti wonekisa ka Mkoma Txizimu, Txizimu txa ka Israyeli;

Eksodha 34:23 Referans Kwoze

Eksodha 23:14

U na ni mahela m'buso kuraru ngu dilembe.

Dhewuteronome 16:16

Sikhati siraru ngu dilembe votshe vavamna va fanete kuya ti kombekisa masoni ka Mkoma, Txizimu txako, ka wukhalo wule ene a nga wu sawula: Ka M'buso wa Mapawu o mbi Tshumbelwa, ni ka M'buso wa Mavhiki ni ka M'buso wa Matenda; kambe a nga ti kombekise masoni ka Mkoma a sa ñola txilo;

Eksodha 23:17

Sikhati siraru ngu dilembe, votshe vavamna va na woneka masoni ka Mkoma.

Genesisi 32:28

Sekoko ene a to khene: “Khu na mbiswa u txi dhanwa to u Jakobe, aniko u na dhanwa ku u Israyeli, nguko u lwite ni Txizimu ni vathu, kambe u xute.”

Masalmo 84:7

Vona va tsimbila na mtamo wu txi engetelwa ditshiku ni ditshiku kala veya ti kombisa Siyoni masoni ka Txizimu.

Genesisi 33:20

Se konaho a to aka txiluvelo, a nga txi raya ditina daku i “Eli-Txizimu txa Israyeli.”

1 Samuwele 1:3

Wamwamna wuwa koko, a ti ti tolovela kukhukha didhoropani kwakwe, dilembe ni dilembe eya khozela ni kumaha mhamba ka Mkoma wa Mabutho a Tiyimbi, kona Silo; se ku ti ni vaphaxeli koneyo Silo; kambe koneyo ku ti ti ni vaphaxeli va Mkoma, Hofini ni Finiyasi, i ku vanana vambidi va Eli.

2 Makronika 8:13

e ningela mphaxo wa ditshiku ni ditshiku, madingano ni sirumo sa Mosi, ngu milongiso, ni ka mtxima wa wuphya, ni ya mibuso yo mahwa kuraru ngu dilembe ni m'buso wa dipawu do mbi tshumbelwa, ni m'buso wa Mavhiki, ni ka m'buso wa matenda.

Ezekhiyele 46:9

Aniko mbimo yi vathu va ditiko va nota ka mpipi wa Mkoma masoni kwakwe, awule a no wulela ngu nzila ya txike txa wulambwe ku ta khozela, a nata huma ngu nzila ya txike txa wuphemba; se awule a no wulela ngu nzila ya txike txa wuphemba, a nata huma ngu nzila ya txike txa wulambwe; kha na mbi tshumela ngu nzila ya txike txile a nga wulela ngu txona, aniko a na huma ngu ni a nga rendekela kona.