Eksodha 34:21 - Bhiblia Yo Sawuleka

²¹ U na thuma amu ka mtxhanu wa masiku ni dinwedo aniko ngu ditshiku da wutxhanu ni mambidi u na humula, hambi i di ditshiku da mbimo ya txidimo mwendo mbimo yo elula.

Eksodha 34:21 Referans Kwoze

Eksodha 23:12

Amu ka mtxhanu wa masiku ni dimwedo u na maha mithumo yako; se ka ditshiku da wutxhanu ni mambidi u na humula, kasiku homu yako ni mbongola yako si mana kuhumula, kasiku mwanana wa khumbi yako a txi mana ku hefu, kumweko ni mluveli wako.

Luka 13:14

Kambe mthangeli wa disinagoga a to henya, nguko Jesu a nga hanyisa m'thu ngu Sabbata. Se e gela vathu a txi khene: “Ku na ni masiku a mtxhanu ni dimwedo, ayawa vathu va tumelelwako kuthuma ngu ona; ngonani ngu ona mi ta hanyiswa, i si nga ngu ditshiku da Sabbata.”

1 Samuwele 8:12

Se a na va veka kuva vathangeli va magumi a mazana ni va mtxhanu wa magumi; ni kuva vadimi va tithembwe takwe, ni kuelula siyalo sakwe, kambe va na mmahela matxhari a yimbi ni tisimbi ta sikotxikani sakwe.

Dhewuteronome 21:4

Madhota a didhoropa donedo ma na relela ni dirole, kala ka mkova wu ku ni txinambwana txa mati awa ma khulungako yotshe mbimo, ku nga mbi dimwa ni phaywa txilo ngu m'thu; se koneho, va na ganga thamo ya dirole ngu ha magondo.

Eksodha 35:2

Amu ka mtxhanu wa masiku ni dimwedo mndani ka divhiki, mi nga sikota kuthuma totshe, aniko ngu ditshiku da wutxhanu ni mambidi di na va do sawuleka, i Sabbata ya kuhumula ka Mkoma. Awule a manekako a txi thuma ka ditshiku donedo a na dawa.

Luka 23:56

Se va di wuyile, va to longela makha ni mafura o bhumula. Se ngu ditshiku da Sabbata va to humula, nga kuruma ka Mlayo.

Isaya 30:24

Se tihomu ni timbongola ti ti dimako mafu, ti na dya mafaka amanene ngutu, o vhuwa ngu mikondo, ni kutshindwa ngu txitshindo.

Genesisi 45:6

Nguko se malembe mambidi, ku di humelete paya ha mafuni, kambe ku ngadi sate mtxhanu wa malembe a nzala, ahawa ku no mbi phaywa txilo, hambi kuelulwa txilo.

Eksodha 31:15

Amu ka mtxhanu wa masiku ni dimwedo ku na thumwa aniko ka ditshiku da wutxhanu ni mambidi, ku nava i di Sabbata ya kuhumula ko hetiseka, kasi kudhumisa Mkoma.

Levhi 23:3

Mi na maha mithumo mu ka mtxhanu wa masiku ni dimwedo, aniko ditshiku da wutxhanu ni mambidi, i Sabbata yo humula, msengeletano wo sawuleka; kha mi na mbi maha mthumo ni wawumwewo; i Sabbata ya Mkoma kotshe mu mi zumbako kona.

Nehemiya 13:15

Ka ona ale masiku, ni woni vathu kona Judha, va txi kamela vhinya ngu Sabbata, vamwani va txi rwalela tinyanda ngu timbongola; ni vhinya, ni mauvha, ni makuwa, ni thundu ya mixowo yotshe va txi si yisa Jerusalema ngu ditshiku da Sabbata; se ni to va laya, ditshiku dile va nga ti xavisa sakudya.