Eksodha 34:2 - Bhiblia Yo Sawuleka

² Zumba u di ti lulamisete ti to mangwana ni mixo u nata kwela mmangoni ka Sinayi, u txi ya ni verela kona, txitimwi ka mmango.

Eksodha 34:2 Referans Kwoze

Eksodha 19:20

Mkoma a to txhika txitimwi ka mmango wa Sinayi. Se ene Mkoma a dhani Mosi a di kona mmangoni, aha Mosi a nga kwela.

Dhewuteronome 9:25

Ngu mhaka yeto, ani ni to khizama masoni ka Mkoma, ni ti veka hahatshi, ni heta mune wa magumi a masiku, ni mune wa magumi a wusiku, ni txi mi khongelela, nguko Mkoma a ti ti khene a na mi fuvisa.

Eksodha 19:11

va txi va va di ti longisete ka ditshiku da wuraru, nguko ka ditshiku da wuraru, Mkoma a na txhika txitimwi ka mmango wa Sinayi, masoni ka vathu votshe.

Eksodha 24:12

Sekoko Mkoma a to khene ka Mosi: “Kwela u txi ta zumba hawa kwangu, mmangoni; se ni na kuninga sileti sa marigwi, ni milayo, ni sirumo si ni nga si bhala, kasi ku u txi ya va gondisa.”

Eksodha 19:24

Se Mkoma a to xamula a txi khene: “Tsula u relela, ngu msana u na kwela awe ni Aroni; aniko vaphaxeli ni vathu va nga tshawunyete muhingano, va txi ya ka Mkoma kasi ku asi va peki ngu lifo.”

Eksodha 19:18

Mmango wotshe wa Sinayi wu to tuvika, nguko Mkoma a ti relete e maneka txitimwi ka wona, ngu hagari ka mdhikila wa mndilo. Wutshi wu wu nga ti tuvika wu txi guleka, i ti ku nga wa dibivi se mmango wotshe wu to dekadeka ngu mtamo.