Eksodha 34:16 - Bhiblia Yo Sawuleka

¹⁶ Kambe u nga thuke u txi wuta hagari ka vanana vawe vamahorana, vasikati kasi kulowota vanana vako va vafana, va nga hambukisa vanana vako va txi maha wugango ni sizimu soneso.

Eksodha 34:16 Referans Kwoze

Ezra 9:2

nguko va tekile mahorana a vamatiko ve ma maha vasikati vawe ni va vanana vawe, ngu kumaha keto ku to patana mbewu yo sawuleka ni vathu va mafu awa, kambe manza a madhota ni a vathangeli ngu ona ma nga khatisa kuhambunyeta kuwa.

Nehemiya 13:25

Se ni to ya lwisana navo, ni va ruketela, vamwani kwawe ni va peka, ni va dulela misisi, se ni va xambanyisa ka Txizimu ni txi khani: Mi nga lowoliseni kambe vanana vanu vamahorana ka vanana vawe va majaha, mi nga tekeni kambe vanana vawe vamahorana m i ninga vanana vanu va majaha, hambi ku ti tekela anu mi pune.

Nehemiya 13:23

Ni wona Vajudha va vale va ngadi tekani ni vavasikati va ka Asidhodhe, ni va ka Amoni, ni va ka Mowabhi.

Joxuwa 23:12

Nguko, mi txi hambuka, mwendo kunamarela ka vamatiko va va nga sala hagari kwanu, mi txi tekelana navo vasikati, anu mi teka kwawe, ni vona ve teka kwanu,

Joxuwa 23:13

ngu ditshuri ti ziveni konako ti to Mkoma, Txizimu txanu, a na leka kututumisa vamatiko vava masoni kwanu: Va na phinduka va txi maha likoka ni litshenga hagari kwanu, va na maha limhika makatani kwanu, ni mipa ka maso anu, kala mi txi fuva mu ka ditiko diya da dinene, adi Mkoma, Txizimu txanu, a nga mi ninga.

Valamuli 3:6

va to teka vanana vamahorana va vamatiko va txi maha vasikati vawe, se ni vona ve ningela vanana vawe vamahorana ka mazambi a vamatiko; aniko va to khozela sizimu sawe.

Valamuli 14:3

Aniko tate wakwe ni mame wakwe, va to kha vona kwakwe: “Ina kha ku nga wamsikati hagari ka vanana vamahorana a vananu, hambi hagari ka votshe vathu vangu, aha koza awe u txi ya lava msikati ka Vafilista, ka vona vale va kwa mbi ya wukwerani kani?” Aniko Samusoni a to khene ka tate wakwe: “Ni lowoleleni wuwa, nguko ngene a ni tsakisako.”

1 Vafumeli 11:1

Se Solomoni a to randa vasikati vavangi va matiko, hahanze ka mwana Faro, a to randa Vamowabhi, Vaamoni, Vaedhomi, Vasidhoni, ni Vaheti,

Ezra 9:12

Se konkuwa, vanana vanu vamahorana, va nga tekwe ngu vanana vawe va majaha, ni vanana vawe vamahorana, va nga tekwe ngu vanana vanu va majaha, kambe mi nga laveni kuthutha ni kuzumbiseka kwawe; kasi ku mi ti tsanisa, mi txidya sa sinene sa ditiko diya, se mi na di maha thomba ya vanana vanu kala kupinduka.

Nehemiya 10:30

ni ku kha hi na mbi ningela vanana vathu vamahorana ka vathu va matiko, hambi kuteka vanana vawe vamahorana, hi ninga vanana vathu va majaha;

Genesisi 24:3

kasi ku ni txi ku xambanyisa ngu Mkoma, Txizimu txa nzuma ni mafu, ti to u nga thuke u txi lowolela msikati mwanana wangu, hagari ka mahorana a Vakanana, ava ni nga zumba hagari kwawe;

Levhi 21:15

kasiku asi nyenyezisi liveleko lakwe, hagari ka vathu va ka kwawe. Ani ngani Mkoma ni nga msawula.

Valamuli 3:5

Se vanana va ka Israyeli va di akile hagari ka Vakanana, ni Vaheti, ni Vaamori, ni Vaferezi, ni Vahevhi, ni Vajebhusi,

Valamuli 8:27

Se Gidhiyoni a to teka nzalama yile a txi maha txithombe txa efodhe ngu yona e txi veka didhoropani ka Ofira. Votshe va ka Israyeli va to leka Txizimu ve khozela txithombe txileya, se eto kambe ti to maha txikhuvekiso ka Gidhiyoni, ni ka yotshe nyumba yakwe.

1 Vafumeli 21:25

Kha kuzivi kumaneka ni wammweyo wa ku ti xavisa nga Akabe, eza e maha to biha masoni ka Mkoma, nguko msikati wa kona Jezabheli, ngene a nga mkujetela.

2 Makronika 21:11

A to maha makhalo o guleka amu mimangoni ka va ka Judha, a kujetela vathu va Jerusalema kuva txi onha ni va ka Judha e va yisa ka toneto.

Nehemiya 10:31

ni tito, ngako vamatiko va txi tisa ni tihi tithomba, mwendo titshenda to kari kasi ku ta xavisa ngu ditshiku da Sabbata, mwendo ngu ditshiku do sawuleka, kha hi na mbi va xavela ka ditshiku edo. Se hi nava ni txhatxhazelo ka dilembe da wutxhanu ni mambidi, ni kudivalelana yotshe minandu.

Masalmo 106:39

Ka toneto ni vona va ti nyenyezisile ngu mithumo yawe ve maneka va sa thembeka ka Txizimu.

Hoseya 1:2

Makhato a dipswi da Mkoma ngu ka Hoseya; Mkoma a to khene koko ka Hoseya: Tsula uya teka wamsikati wa wugelegele ni vanana va wugelegele; nguko ditiko di mahile wugelegele, ngu kutshuralela Mkoma.