Eksodha 34:15 - Bhiblia Yo Sawuleka

¹⁵ U nga mahe txitumelelano txokari ni vaaki va kona ditikonimo, nguko, mbimo yi va mahako wugango ni sizimu sawe, va txi si mahela miningelo ni miphaxo, va nga thuka va txi kudhana u txi ya dya timhamba tawe.

Eksodha 34:15 Referans Kwoze

Valamuli 2:17

Aniko ni ka kudotho kha va engisa valamuli; va to maha wugango wo londeta simwani sizimu, kambe va txi si khizamela; va to kuluveta kuleka nzila yi va nga tsimbila ngu yona vatate vawe, yo engisa sirumo sa Mkoma; se vona kha va mahisa eto.

1 Vakorinto 8:4

Ngu toneto, ka mhaka ya sakudya sa timhamba ta kugandela sizimu sa walo, ha tiziva hotshethu ti to Txizimu txa walo hi nga txa txilo ha ditikoni; ha tiziva ti to ku ni Txizimu, txa tximwetxo dwe, hahanze ka txona kuwalo tximwani.

Masalmo 106:28

Se va to khozela Bhahali-Peyori, va txi dya timhamba to mahelwa vafi.

Dhewuteronome 31:16

Se Mkoma a wombile ka Mosi a txi khene: Wona, u hafuhi ni kutsula u txi ya humula kumweko ni vatate vako; se vathu vava, va na khukha va txi ya maha wugango ni simwani sizimu sa ditiko dile u lavako kuwulela ka dona. Vona va na ni leka va txi ndaka mlayo wa txitumelelano, txi ni nga txi sunga navo.

Mitengo 25:2

Vona va to ramba vathu kuya phaxela sizimu sawe; vathu va to dya, ve khizamela sizimu sawe.

1 Vakorinto 10:27

Ngako mi txi dhanwa ngu mmweyo wo va i si nga dikholwa, na mi txi ti lava kutsula, dyanani sotshe si va mi phamelako; mi si wotisi txilo ngu mhaka ya livhalo.

1 Vakorinto 8:10

Nguko kumaha tiya m'thu wokari a txi kuwona awe, u ti zivako, u di khalahatshile ha sakudyani amu dithepeleni ka sizimu sa walo, ina mbilu yakwe wule wo mbi tsana kha yi na mbi msusumetela kudya nene nyama ya timhamba ta sizimu sa walo kani?

1 Vakorinto 8:7

Aniko hi nga votshe va ti zivako tiya. Vamwani, va nga tolovela mahanyelo a kale a kukhozela sizimu sa walo, vadya sakudya sa timhamba ta sizimu sa walo, va txi kholwa ti to nza kuphaxelwa sona sizimu sile; se ngako livhalo lawe li nga mbi tsana, va wulelelwa ngu mtungu.

Jeremiya 3:9

Se Israyeli a to nyenyezisa ditiko ngu wugango wakwe wo thisa, nguko a wu mahile ni marigwi ni sitsha.

Levhi 17:7

Va nga engete kambe va txi maha mningelo wa mhamba ka madhimoni, va nga ti ti patile nawo, va txi maneka va si thembeki. Awuwa mlayo wa kala kupinduka, ka lotshe liveleko lakwe.

Eksodha 34:12

Ti wonele, u nga mahe Txitumelelano txihi ni txihi ni vaaki va ditikodo uyako ka dona; kasiku va si thuki va txi kuriyela u txi zwetwa, u txi lova.

Mtuletelo 2:20

Aniko nina ni txisolo ni nawe, nguko wa leka Jezabheli, msikati wu a ti mahako mprofeti, awu a gondisako ni kutimeta vakhozeli vangu kuve ve maha wugango, ve dya tinyama ta timhamba ta sikwembu sa walo.

Hoseya 9:1

U nga tsake, awe Israyeli, u tshumela u ndaka-ndaka, kufana ni vathu; nguko u lekile Txizimu txako kufana ni digelegele; U randile kuholelwa ngu otshe mathala a fulaho.

Hoseya 4:12

Vathu vangu va wotisa ka tiphande tawe, se ndonga yawe yi va xamula, nguko moya wa wugelegele wa va kanganyisa, se vona va timela, va si ti veki hahatshi ka Txizimu txawe.

Masalmo 73:27

Nguko ava va zumbako kule ni nawe va na lova; awe wa va fuvisa votshe vale va ku phikizako.

Ezra 6:9

Se ku txi laveka marole, sinvutana sa vamatune ni vamakati, kuva si txi na hiselwa Txizimu txa nzumani, fulaho, mnyu, vhinya ni mtona, madingano ni txitoloveto txa vaphaxeli vale va ku Jerusalema, va na ningwe ditshiku ni ditshiku, ku va va si pwati txilo.

Dhewuteronome 7:2

Ngako Mkoma, Txizimu txako, a txi ma ningela kwako, awe u txi ma khozisa, u ma fuvisa ni ku ma lovisa, u nga mahe txitumelelano nawo, kambe u nga ma mahele wumbilu.

Mitengo 15:39

Ngu mhaka yeto, makhatxa a kona, mbimosi mi no ma wona, ma na mi maha mi khumbula milayo ya Mkoma, kasi kuxayisa milayo tito, mi si londeti minavelo yo biha ya wugango.

Eksodha 34:10

Sekoko Mkoma a xamute a txi khene: “Ni na maha txitumelelano ni nawe; masoni ka votshe vathu vako, ni na mahetela sixamaliso, sile si si ziviko kumaheka ni ka wuhi wukhalo, hambi ni ka wuhi mfumo, ni vathu vava va ku randelako se va na wona mthumo wa Mkoma, nguko simaha so thisa ni na si mahetela ngu mtamo wako.”

Eksodha 23:32

U nga mahe txitumelelano navo, ni sizimu sawe.

Mithumo 15:20

Va na bhalelwe ti to ve leka asi si nga yiliswa ngu sizimu, ni wugelegele, ni nyama ya sihari si si nga dawa ngu kukamwa mkolo, ni mnoha.

Eksodha 22:20

Awule a phaxelako ka simwani sizimu, i si nga ka Mkoma, a na dawa.

Eksodha 32:8

Ngu kukuluveta va hambukile ka nzila yi ni nga va leletela. Va ti mahete dirole da nzalama yo khandwa, ve di khozela, ni ku di mahela mphaxo, va txi kha vona: “Asiya nzizimu sako awe Israyeli, asi si nga kuhumisa ditikoni ka Egipta!”

Mitengo 25:1

Se mbimo yile Israyeli a nga zumba Sitime, vathu va to khata kumaha wugango ni vanana vamahorana a Vamowabhi.

Dhewuteronome 7:3

U nga tekane navo, u nga ningele vanana vako vamahorana ve tekwa ngu vafana vawe, hambi ni kutekela vafana vako mahorana awe.

Dhewuteronome 32:37

ene a na womba a txi khene: “Si hani sizimu sawe, ni dirigwi di va nga txi themba kuvhikelwa ngu dona, kani?

Dhewuteronome 32:38

Si hani si si nga ti ti dya mafura a tihamba tawe, asi si nga txi sela vhinya yawe ya miningelo kani? Si na khukhe si txi ta mi emela, si txi ta mi vhikela.

Joxuwa 23:12

Nguko, mi txi hambuka, mwendo kunamarela ka vamatiko va va nga sala hagari kwanu, mi txi tekelana navo vasikati, anu mi teka kwawe, ni vona ve teka kwanu,

Valamuli 3:6

va to teka vanana vamahorana va vamatiko va txi maha vasikati vawe, se ni vona ve ningela vanana vawe vamahorana ka mazambi a vamatiko; aniko va to khozela sizimu sawe.

1 Makronika 5:25

Kambe va to onhela Txizimu txa vatate vawe, ve londeta sizimu sa vathu va ditiko, asile Txizimu txi nga si hoxota masoni kwawe.

Ezra 9:12

Se konkuwa, vanana vanu vamahorana, va nga tekwe ngu vanana vawe va majaha, ni vanana vawe vamahorana, va nga tekwe ngu vanana vanu va majaha, kambe mi nga laveni kuthutha ni kuzumbiseka kwawe; kasi ku mi ti tsanisa, mi txidya sa sinene sa ditiko diya, se mi na di maha thomba ya vanana vanu kala kupinduka.

Eksodha 22:19

Ni wihi wule a otelako ni txihari ngu ditshuri a na dawa.

Dhewuteronome 31:18

Kunene ka ditshiku donedo, ani ni na va sisela khohe yangu do gwita ngu mhaka ya totshe to biha, tile vona va no ti maha ngu kutshumelela ka simwani sizimu.