Ngako Mkoma, Txizimu txako, a txi ma ningela kwako, awe u txi ma khozisa, u ma fuvisa ni ku ma lovisa, u nga mahe txitumelelano nawo, kambe u nga ma mahele wumbilu.
Ngu kumha keto, u na fuvisa vathu votshe, vale Mkoma, Txizimu txako, a no va ningela kwako; diso dako di nga ve ni wumbilu ngu vona, kambe u nga khozele sizimu sawe, eto ti nga va i di litshenga kwako.
Se Gidhiyoni a to teka nzalama yile a txi maha txithombe txa efodhe ngu yona e txi veka didhoropani ka Ofira. Votshe va ka Israyeli va to leka Txizimu ve khozela txithombe txileya, se eto kambe ti to maha txikhuvekiso ka Gidhiyoni, ni ka yotshe nyumba yakwe.
kasi ku va si mi gondisi kumahetela kotshe kubiha kwawe, akule vona va nga txi mahetela ka sizimu sawe; nguko mi nga va mi txi onhela Mkoma, Txizimu txanu.
va mifumo yile Mkoma a nga ti gete vanana va ka Israyeli ku khene: Mi nga tekeni ka yona, ni yona kha yi na mbi teka kwanu; ngu kuhambana nito, va na kanganyisa timbilu tanu kuva mi londisa sizimu sawe. Se Solomoni a to randana navo.
Va to leka Nyumba ya Mkoma, Txizimu txa vatate vawe, veya khozela sithombe so vatwa ni sizimu simwani sawe. Se ngu mhakeyo Mkoma a to henyela va ka Judha ni va Jerusalema.
mi na tutumisa votshe va zumbako ka dona, masoni kwanu, ni kukhundumusela sotshe sithombe sawe; kambe mi na khundumusela sotshe sifananiso sawe sa tisimbi, mi na khundumusela sotshe sithombe sawe;
Ni wombile kambe kwanu ni txi khani: Ani ngani Mkoma, Txizimu txanu, mi nga thaveni sizimu sa Vaamori, avale mi nga zumba ditikoni kwawe. Aniko anu kha ma ni engisa.