Eksodha 34:10 - Bhiblia Yo Sawuleka

¹⁰ Sekoko Mkoma a xamute a txi khene: “Ni na maha txitumelelano ni nawe; masoni ka votshe vathu vako, ni na mahetela sixamaliso, sile si si ziviko kumaheka ni ka wuhi wukhalo, hambi ni ka wuhi mfumo, ni vathu vava va ku randelako se va na wona mthumo wa Mkoma, nguko simaha so thisa ni na si mahetela ngu mtamo wako.”

Eksodha 34:10 Referans Kwoze

Dhewuteronome 10:21

Mkoma ngene i ku wudhumo wako ni Txizimu txako, awule a nga ku mahela simaha sa hombe, so xamalisa, asi u nga si wona ngu maso ako.

Masalmo 77:14

Awe u Txizimu txi txi mahako sidiwukiso; u wonekisile mtamo wako ka votshe vathu.

Isaya 64:3

Mbimo yile u nga ti ti maha timhaka to thisa, ti hi nga ti sa ti verela, u ti ti txhika, se mimango yi ti ti zinginika masoni kwako.

Masalmo 66:5

Ngonani mi ta wona mithumo ya Txizimu, sidiwukiso si txona txi nga si maha masoni ka vathu.

Jeremiya 32:21

u to humisa vathu vako va Israyeli ngu ditikoni ka Egipta ngu sikombiso ni sixamaliso, ngu dianza da mtamo di nga nawulutwa, ni kuxamalisa ko thisa.

2 Samuwele 7:23

I mani a kuho wo fana ni vathu vako, wo fana ni va ka Israyeli, vathu va i ku vokha ha mafuni, ava Txizimu txi nga va tirula ku va vathu va txona kani? Kambe a ti mahete ditina, se e mi mahela simaha sa hombe so thaviseka ditikoni kwako, masoni ka vathu vako, avale awe u nga va humisa Egipta, ngu kuthavisa matiko ni sizimu sa ona kani?

Masalmo 78:12

Masoni ka vakale vawe, Txizimu txi mahile sidiwukiso, ditikoni ka Egipta, libalani ka Zowani.

Masalmo 66:3

Wombani mi txi khanu ka Txizimu: “Mithumo yako ya diwukisa, Txizimu! Mtamo wako mbwa hombe ngutu aha koza valala vako ve nama ve dhudhumela masoni kwako.

Dhewuteronome 32:30

Ti nga kotekisa kutxani ti to m'thu wammweyo e tutumisa 1.000 wa vathu, ni vathu vambidi va nga sikotisa kutxani kuhinga 10.000 wa vathu, i si nga Mkoma, Dirigwi dawe, a nga va xavisa, kambe i si nga Mkoma a nga va ningela kani?

Joxuwa 6:20

Vathu koko va to kwangula, na vaphaxeli va txi veta titshodi; se ku to maheka taku, mbimo yile vathu va nga pfa kutuma ka titshodi, va to kwangula ngu kukwangula ka hombe; se diguma di to wa hahatshi, vathu ve wulela didhoropani, mmwani ni mmwani ngu ha a nga ti rendekete kona, va to teka didhoropa.

Eksodha 34:27

Mkoma a wombile kambe ka Mosi a txi khene: “Bhala mapswi awa, nguko ni mahile ngu ona txitumelelano kumweko ni nawe ni va ka Israyeli.”

Masalmo 145:6

Va na xawutela mithumo yako ya mtamo ni kuthisa, va txi huwelela wuhombe wako.

Masalmo 106:22

Txi nga va mahela sidiwukiso ditikoni ka Kamu ni simaha so thisa lineneni ko Bhilivila.

Masalmo 76:12

Txona txa thavisa mtamo ka vakoma txi thela dizowa ka vafumeli va ha mafuni.

Masalmo 65:5

Awe wa hi xamula, Txizimu, muhanyisi wathu, ngu mithumo yo xamalisa ya kululama; otshe mafu ma themba awe ni kotshe kuanama ka linene.

Masalmo 147:20

Ene kha ti maha tiya ka mamwani matiko, kha ma tulela kuziva mithetho yakwe. Dhumisani Mkoma!

Dhewuteronome 4:13

Sekoko Mkoma a mi zivisile txitumelelano txi a nga mi ruma, digumi da milayo, ayi yi nga bhalwa aha ka sileti simbidi sa marigwi.

Masalmo 68:35

Txizimu txa thaviseka txiluveloni ka txona ko sawuleka, Txizimu txa ka Israyeli txi ningako mtamo ni wukoma ka vathu va txona! Txi na dhumiswe Txizimu!

Eksodha 34:28

Mosi a zumbile hafuhi ka Mkoma mune wa magumi a masiku asi dyi sakudya, hambi kusela mati, wusiku ni mitshikari. Se Mkoma a bhate aha ka sileti mapswi a txitumelelano, i ku sirumo sa digumi sa mlayo.

Dhewuteronome 9:19

Nguko ani ni ti ni dizowa ngutu ngu mhaka ya kuhenya ni txiviti txa Mkoma, a nga ti mi henyela, aha koza e lava ku mi lovisa. Hambi keto, Mkoma a ni engisile kambe ka txiya txikhati.

Masalmo 72:18

Txi na dhumiswe Txizimu, Mkoma i ku Txizimu txa ka Israyeli, txona txokha txi mahako sidiwukiso.

Masalmo 136:4

Awule i ku ene ekha a mahako sixamaliso sa hombe; nguko lirando lakwe nda kala kupinduka!

Mika 7:15

Ani ni na va komba sixamaliso, kufana ni masiku a kuhuma kwako ngu ditikoni ka Egipta.