Eksodha 34:1 - Bhiblia Yo Sawuleka

¹ Sekoko Mkoma a wombile kambe ka Mosi a txi khene: “Vata sileti simbidi sa marigwi sa kufana ni so khata, kasiku ani ni bhala kambe mapswi ale ni nga ti bhate ka sileti so khata, asile u nga faya.

Eksodha 34:1 Referans Kwoze

Eksodha 32:19

Mbimo yi a nga va a di hokile ha wugoveloni, a txi wona dirole ni kusinya ka vathu, Mosi a to tala ngu txiviti, a to tshotsha sileti si si nga ti manzani kwakwe a txi si faya hafuhi ka mmango.

Masalmo 119:89

Dipswi dako di tsani nzumani awe Mkoma, kala kupinduka.

Eksodha 31:18

Se a to ningela ka Mosi (a di gwitile kuwombawomba nayo mmangoni ka Sinayi) sileti simbidi sa Wufakazi, sileti sa marigwi, so bhalwa ngu litiho la Txizimu.

Eksodha 34:28

Mosi a zumbile hafuhi ka Mkoma mune wa magumi a masiku asi dyi sakudya, hambi kusela mati, wusiku ni mitshikari. Se Mkoma a bhate aha ka sileti mapswi a txitumelelano, i ku sirumo sa digumi sa mlayo.

Eksodha 32:16

Sileti i ti mthumo wa Txizimu ni timhaka ti ti nga ti bhatwe aha ka sileti soneso, ti ti bhatwe ngu Txizimu.

Eksodha 24:12

Sekoko Mkoma a to khene ka Mosi: “Kwela u txi ta zumba hawa kwangu, mmangoni; se ni na kuninga sileti sa marigwi, ni milayo, ni sirumo si ni nga si bhala, kasi ku u txi ya va gondisa.”

Eksodha 34:4

Sekoko Mosi a to vata sileti sa simbidi sa marigwi so fana no so khata, a to wuka ni mixo ngutu, e kwela mmangoni ka Sinayi, nga ti Mkoma a nga ti mu leletele, e teka sileti sa simbidi sa marigwi ngu manzani kwakwe.

Dhewuteronome 4:13

Sekoko Mkoma a mi zivisile txitumelelano txi a nga mi ruma, digumi da milayo, ayi yi nga bhalwa aha ka sileti simbidi sa marigwi.

Jeremiya 36:32

Sekoko Jeremiya a to teka dimwani dibhuku, a txi di ningela ka Bharuke, mwana Neriya, m'bhali, awu a nga bhala ka dona ati ti nga wombwa ngu Jeremiya, totshe timhaka ta dibhukwedo di nga hiswa ngu Jehoyakimu, mfumeli wa ka Judha; kambe ku engetetwe timhaka ta tingi to fana nito.