Eksodha 33:9 - Bhiblia Yo Sawuleka

⁹ Se mbimo yile Mosi a nga ti wulela ditendani, phande ya direfu yi ti ti relela yi ta ema ha txikeni, se Mkoma e womba-womba ni Mosi.

Eksodha 33:9 Referans Kwoze

Masalmo 99:7

Txizimu txi wombawombile navo txi di mndani ka marefu; vona va ti ti xayisa sileleto ni milayo yi txi nga va ninga.

Eksodha 31:18

Se a to ningela ka Mosi (a di gwitile kuwombawomba nayo mmangoni ka Sinayi) sileti simbidi sa Wufakazi, sileti sa marigwi, so bhalwa ngu litiho la Txizimu.

Ezekhiyele 3:22

Se kona hale dianza da Mkoma di ti txitimwi kwangu, e ni gela ku khene: Khukha u tsula mkovani, ni na ya womba-womba kona ni nawe.

Mitengo 11:17

Sekoko ani, ni na kwitima ni ta womba-womba ni nawe konaho; se ni nata hungula moya wu wu ku nemelako wekha, ni wu veka kwawe, kasi ve kuvhuna; se moya wu na kuvhuna kurwala vathu, na i si ngawe wekha u rwalako.

Eksodha 34:9

a txi khene: “Mkoma, ngako ani ni di mani kukateka masoni kwako, tsimbila kumweko ni nathu, hambiko vathu vava i ku va misungo yo banga, divalela wubihi wathu ni sionho sathu, u txi hi fuya, hi va thomba yako.”

Eksodha 34:3

Ni wammweyo m'thu a nga kwele ni nawe, ni wammweyo m'thu a nga woneke kotshe mmangoni, hambi tinvuta mwendo tihomu si nga dyele hafuhi ka mmango.”

Eksodha 33:11

Mkoma a ti ti womba-womba ni Mosi khohe ni khohe, nga m'thu a txi womba-womba ni mngana wakwe, ngu msana Mosi a ti ti tshumela a txi ya wugoveloni. Joxuwa, mwana Nune, m'vhuneteli wakwe wa dijaha, a ti si khukhi amu ditendani.

Eksodha 25:22

Se konaho ni nata ni ta womba-womba ni nawe txitimwi ka txikhalo txa wumbilu, ngu hagari ka makerubhima mambidi (ma ku txitimwi ka dibhokiso da Txifakaziso), ka totshe ti ni no kuruma kugela vanana va ka Israyeli.”

Genesisi 18:33

Mkoma, ngako a di gwitile kuwombawomba ni Abrahamu, a to khukha e tsula, se Abrahamu a tshumete a txi wuya m'tini kwakwe.

Genesisi 17:22

Ngako Txizimu txi di gwitile kuwombawomba ni Abrahamu, txi to khukha txi msiya, txi guleka.

Eksodha 33:8

Se ku to maheka taku mbimo yile Mosi a nga ti huma eya ditendani, vathu votshe va ti ema, mmwani ni mmwani a ti maneka a di emile ha txikeni ka ditenda dakwe, va txi mlondetela ngu maso, kala Mosi e wulela ditendani.

Eksodha 33:10

Se mbimo yile vathu va nga txi wona phande ya direfu yi txi ta ema ha txikeni ka ditenda, mmwani ni mmwani a txo khizama a di ha txikeni ka ditenda dakwe.

Eksodha 34:5

Mkoma a to relela ngu mu direfuni a txi maneka hafuhi kwakwe, se Mosi a to huwelela ditina da Mkoma.

Dhewuteronome 31:14

Se Mkoma a to khene ka Mosi: “Masiku ako a kufa ma hafuhi; dhana Joxuwa, u txi ta nayo amu ditendani da msengeletano, kasi ku ani ni mi ninga sileleto sangu.” Sekoko Mosi ni Joxuwa, va to tsula ditendani ka msengeletano.

Dhewuteronome 31:15

Sekoko Mkoma a wonekile a di mu ka phande ya direfu amu ditendani; se phande ya direfu, yi to ta ema ha txikeni ka ditenda.

Mitengo 7:89

Se mbimo yile Mosi a nga ti wulela ditendani ka msengeletano, kasi kuya womba-womba ni Mkoma, a ti ti engisela dipswi, di di nga ti womba kwakwe, ngu txitimwi ka txikhalo txa wumbilu, txitimwi ka dibhokiso da Wufakazi, ngu hagari ka makerubhima mambidi; di ti ti wombawombisa tona tiya nayo.