Eksodha 33:6 - Bhiblia Yo Sawuleka

⁶ Sekoko, kukhukhela mmangoni ka Horebhi, vanana va ka Israyeli va to thavisa sotshe simaha sawe sa bombo.

Eksodha 33:6 Referans Kwoze

Eksodha 33:4

Se mbimo yile vathu va nga pfa mapswiyo o thisa, va to pandiseka ngu kuxaniseka, se ni wammweyo kha nga va a txi ti bombisa,

Jeremiya 2:19

Kubiha kwako ku na kutsayisisa, u pekwa ngu wubihi wako, ngukonaho, ti zive ku tibihile kuleka Mkoma, Txizimu txako. Ni kwa mbi thava ka tisa kupandiseka, kuwomba ene apune Mkoma Txizimu txa Mabutho a Tiyimbi.

Eksodha 32:3

Sekoko vathu votshe va to tanyulela ha tinzeveni kwawe, singeda va txi ti tisa ka Aroni,

Eksodha 3:1

Mosi a ti ti dyisa mtxhambi wa tinvuta ta Jetro, msade wakwe, mphaxeli wa Midhiyani. A to gola mtxhambi wa tinvuta e ti yisa txiwulani, aha a nga ya hoka Horebhi mmangoni ka Txizimu.

Eksodha 33:5

Sekoko Mkoma a wombile ka Mosi a txi khene: “Womba ka vanana va ka Israyeli u txi khawe: Mi vathu va timbilu to banga. I ti ku ni ti kova hagari kwanu ngu mbimonyana, nga ni di mi lovisile. Ti di ngeto, thavisani sotshe simaha sanu sa bombo, kasi ni txi wona atile ni felako ku ti maha ngu ngamu.”

Eksodha 33:7

Se Mosi a to teka ditenda a txi ya di gwimba hahanze, kule ni wugovelo, ve di ningile ditina daku ditenda da msengeletano. Ni votshe vale va nga ti lava ku wotisa mhaka ka Mkoma, ayile yi nga ti va karata, va ti ti ya ka ditenda da msengeletano, hahanze ka wugovelo.

Jona 3:5

Se vathu va Ninivha va to kholwa ka Txizimu, se ve nuwela mhaka ya kutitona. Se va to ambala masaka, kukhukhela ka wa hombe kala ka wam'dotho.