Eksodha 33:4 - Bhiblia Yo Sawuleka

⁴ Se mbimo yile vathu va nga pfa mapswiyo o thisa, va to pandiseka ngu kuxaniseka, se ni wammweyo kha nga va a txi ti bombisa,

Eksodha 33:4 Referans Kwoze

Mitengo 14:39

Se Mosi a to xawutela otshe mahungu awa ka vanana va ka Israyeli; sekoko vathu va to xomuleka ngutu.

Ezekhiyele 26:16

Se vathangeli va lineneni va na txhika ngu situluni kwawe ka wukoma, kambe va na thavisa sifenengelo sawe, ve ambula simaha sawe so lukelwa; va na ambekwa kudhudhumela, va khalahatsha ha mafuni, va txi dhudhumela yotshe mbimo; kambe ngu mhaka yako, va na xamala.

Ezekhiyele 24:23

Kambe mi na ambala sigoko ka misungo yanu, ni tikathula mikondoni kwanu; kha mi na mbi pandiseka hambi kudila, aniko mi na fela ka wubihi wanu, mi txi dila vamwevo ka vamwani.

Ezekhiyele 24:17

Dilisa kutipimela; u nga dilele vafi, ambala txigoko txako, ni tikathula mikondoni kwako; u nga sisale u txi dya sakudya sa vathu.

Mitengo 14:1

Sekoko votshe va msengeletano va to khukha ve guleta mapswi awe, va txi dila ka wona wusiku wule.

Zakariya 7:5

Gela votshe vathu va ditiko diya, ni votshe vaphaxeli, u txi khawe: Mbimo yile mi nga ti tona, ni kudila, ka mtxima wa wutxhanu ni wa wutxhanu ni yimbidi, mndani ka malembe awa a mtxhanu wa magumi ni magumi mambidi, ina anu mi ti tonete ani, ngu ditshuri mi ti tonete ani kani?

Zakariya 7:3

va to gela vaphaxeli vale va nga ti ti Nyumbani ka Mkoma wa Mabutho a Tiyimbi, ni ka vaprofeti, va txi kha vona: Ina ni na dila ka mtxima wa wutxhanu, ni ti tona, nga tile ni tolovelako kumaha, ka malembe amangi kani?

Jona 3:6

Nguko dipwsi diya di hokile ka mfumeli wa Ninivha, se a to khukha ha txituluni kwakwe ka wukoma, a txi thavisa syambalo sakwe, e fenengela masaka, e khalahatsha hadikhumani.

Hoseya 7:14

Se kha va dila kwangu ngu timbilu tawe, kambe va txi keta va di hamatahoni kwawe; va tshanganete fulaho ni vhinya, aniko ani va ni tshuralete.

Isaya 32:11

Dhudhumelani, anu vavasikati vo zumbiseka, kambe karatekani anu mi ti thembako ngutu; thavisani syambalo sanu, mi sala mi di simbwiri, se mi ambala masaka siwununi kwanu.

Jobe 2:12

Va di guletile maso ngu kule ve mtimelela, va to kwangula ngu mapswi o dila; se ve vharulela syambalo sawe, va to ti xwayela dikhuma ha msungo.

Jobe 1:20

Sekoko Jobe a to khukha, e vharulela syambalo sakwe, e yola msungo wakwe, e ti wisa hahatshi, e khongela.

Ezra 9:3

Se mbimo yile ni nga tipfa toneto, ni to vharulela syambalo sangu, ni xurula misisi ha msungo kwangu, ni maletu angu, ni khalahatsha ni so goo.

2 Vafumeli 19:1

Se mbimo yile Ezekhiya a nga ti mu engisete, a to vharulela syambalo sakwe, e ti fenengeta ngu disaka, se e wulela Nyumbani ka Mkoma.

1 Vafumeli 21:27

Mbimo yile koko, Akabe a nga pfa mapswi awa, a to vharula syambalo sakwe, a txi fenengeta mmidi wakwe ngu disaka, a txi ti tona; se a ti otela ha masakani, a txi tsimbila-tsimbila, ni dikhodho.

2 Samuwele 19:24

Mexibhoseti mwana Sawule, a to relela nene e hingeta mfumeli, a to tsula a sa samba minenge, hambi kuwila maletu akwe, hambi kukuwula syambalo sakwe, kukhukhela ka ditshiku di mfumeli a nga khukha ngu dona kala ka ditshiku di mfumeli a nga wuya ngu kudikha.

Levhi 10:6

Se Mosi a to womba ka Aroni ni ka vanana vakwe, i ku Eleyazari ni Itamari, a txi khene: Anu mi nga vhununguleni misungo yanu hambi kuvharhula syambalo sanu, mi txi komba ku va dila, nguko mi nga fa, ngu kuva mi di vhutukisile dikhulo da Txizimu hagari ka msengeletano wotshe, kambe maxaka anu vanana va ka Israyeli, ngu vona va no dila ngu mhaka ya wuhya wuwa Mkoma a nga wu maha.

Eksodha 33:6

Sekoko, kukhukhela mmangoni ka Horebhi, vanana va ka Israyeli va to thavisa sotshe simaha sawe sa bombo.

1 Samuwele 6:19

Se Mkoma a to daya vathu va Bheti-Semi, ngu kule va nga solela mndani ka dibhokiso da Mkoma, eza e daya vathu vo dingana 50.070 wa vavamna; sekoko vathu va to pandiseka, ngu kule Mkoma a nga maha phango ya hombe ngutu hagari ka vathu.