Eksodha 33:22 - Bhiblia Yo Sawuleka

²² Ngako kuphatima kwangu ku txi pinda, ni na ku wuletisa amu phakoni ka dirigwi ni txi kufenengeta ngu dianza dangu, kala kuza ani ni pinda.

Eksodha 33:22 Referans Kwoze

Masalmo 91:1

Awule a zumbako kusisalani ka Nyatxitimwi a na humula mtsudini ka Nyamitamo,

Isaya 2:21

Va na wulela mu ka tifa ta marigwi ni mu ka maphala a mimango, ngu kuthava Mkoma, ni kudhumiswa ka wuhombe wakwe, mbimo yile a khukhako, e xamalisa ditiko.

Masalmo 91:4

Mkoma a na kufenengeta ngu mitenga yakwe, hahatshi ka tibhapi takwe u na maneka u di tsani; ditshuri dakwe njitxhavangu ni txitsaniso!

1 Vakorinto 10:4

kambe votshe va sete sakusela simweso sa moya; kunene votshe va ti ti sela ka dirigwi da moya, adi di nga ti va londetela. Dirigwi diya i ti Kristu.

Isaya 32:2

Se wamwamna wule a na fana ni txivhikelo txo vhikela moya, a na nga wuthavelo ka txihuhuri, ni ku nga lidhonga la mati ka makhalo a kuoma, ni mtsudi wa dirigwi da hombe ka ditiko da txihala.

2 Vakorinto 5:19

Eto tikomba ti Txizimu txi mahisako tona kasi kutshanganisa ditiko kumweko natxo ngu Kristu, na txi si na mhaka ngu minandu ya vathu; se txi hi ningile mthumo wuwa wa kutshanganisa vathu kumweko natxo.

Masalmo 18:2

Mkoma, dirigwi dangu, ni mkhokhola wangu wo tsana, kambe mtxhatxhisi wangu; Txizimu txangu mkhokhola wangu, buthavelo wu ni thembako wona; njitxhavangu txangu, mtamo wa kuhanyiswa kwangu, wuthavelo wangu wa hombe.

Ndando ya Tindando 2:3

Hagari ka vanana, txirandwa txangu txi fanana ni mndonga wa mahapula awu wu ku hagari ka mindonga ya txitinga; ngu kutsaka ka hombe, ni khalahatshile mtsudini kwakwe; mihando ya wona ya tshamba mkanani kwangu.

Dhewuteronome 33:12

Ngu didhawa da Bhenjamini, a ti khene: “Ene njirandwa txa Mkoma, a na humula ngu kuthutha hafuhi kwakwe, Nyatxitimwi a na mfenengeta kala kupinduka, e zumba makatani kwakwe.”

1 Vafumeli 19:9

Se koneyo a to wulela amu ka diphala e otela kona wusikuwo; se dipswi da Mkoma di tile kwakwe di txi ta kha dona: Wo maha txani ahawa kani Elija?

Isaya 49:2

Txisofu txangu a txi mahile txi fanana ni ditxhari do hinda, se a ni fenengetile ngu mtsudi wa dianza dakwe e ni maha lingove lo khetima, e ni sisa amu ka msava wakwe.

Isaya 51:16

Ani na veka mapswi angu txisofuni kwako, ni kufenengeta ngu mtsudi wa dianza dangu, kasi kuvanga nzuma, ni kukhata mafu, ni kugela Siyoni kukhani: Anu mi vathu vangu.