Eksodha 33:19 - Bhiblia Yo Sawuleka

¹⁹ Kambe Mkoma a to khene: “Ni na pindisa ngu masoni kwako wotshe wunene wangu, kambe ni na huwelela masoni kwako ditina dangu. Ni na mahela wunene awule ni mlavako, ni kambe ni na mahela wumbilu awule a ni tsakisako.”

Eksodha 33:19 Referans Kwoze

Jeremiya 31:14

Ni na khurisa mimoya ya vaphaxeli ngu mafura, sekoko vathu vangu va na khura ngu silo sa sinene sangu, kuwomba Mkoma.

Jeremiya 31:12

Vanata va txi embelela ngu litsako aniya mmangoni ka Siyoni, ve tutumela wunene wa Mkoma, amu ka fulaho, ni vhinya, ni mafura, amu ka tihambana ni marole, dihika dawe di na fana ni thembwe yi yi nga nakaniswa, kha va na mbiswa ve dhindirika.

Isaya 7:14

Ngu toneto, Mkoma apune, a na mi ninga txikombiso: Wonani taku, wotuma a na mana txirumbu e veleka mwanana wa m'zambi, se ditina dakwe i Emanuweli.

Zakariya 9:17

Nguko nga tona ti wu nga kulisa tona wunene wawe! Ni ti va nga tshurisa tona! Se fulaho yi na tshurisa majaha, ni vhinya ya yiphwa yi na tshurisa mahorana.

Varoma 2:4

Mwendo wo kanyisa kutala ka wunene wa Txizimu, ni kutimisela ka txona, ni kuhonisela ka txona; khu ti zivi ti to wunene wuwa wa Txizimu wu ku ndindela kuya kuhundulukani kani?

Isaya 12:4

Se ka ditshiku donedo, mi na khanu: Bongani Mkoma, mi pfalisa ditina dakwe, gelani vathu simaho sakwe, embelelani ti to ditina dakwe di txitimwi ngutu.

Isaya 9:6

Nguko hi veleketwe mfana, hi ningilwe mwanana wa mfana; se wukoma wu txitimwi ka makata akwe; ditina dakwe a na dhanwa ku Didhota do Xamalisa, Txizimu txa Mtamo, Tate wa Mbimo Yotshe, Mkoma wa Kudikha.

Nehemiya 9:25

Se va to teka Didhoropa da Hombe, ni ditiko do nona, ve teka ni tinyumba to tala ngu siya sa yotshe mixowo, ni sisima so kelwa ni mivhinya, ni miolivha, ni mindonga yo tala ya mihando; va to dya ve khura, ve ena, se ve tsula va di tsakile ngu wudhumo wako wa hombe.

Varoma 9:23

Txizimu txi lavile kambe kukombisa kukula ka wudhumo wa txona ka vale txi nga va sawula ngu kale, ngu wumbilu wa txona, kasiku va na ya zumba kutsakani ka txona.

Masalmo 65:4

A katekile wule awe u msawulako u txi m'dhana kasiku e hanyela Dithepeleni kwako, hafuhi ni nawe. Hi na khura ngu silo sa nyumbani kwako, amu Dithepeleni kwako ko sawuleka!

Masalmo 25:13

Moya wakwe wu na zumbiseka kwati ni liveleko lakwe li na mana ditiko di di nga thembiswa.

Dhewuteronome 32:3

Nguko ni na huwelela ditina da Mkoma; Dhumisani Txizimu txathu!