Eksodha 33:15 - Bhiblia Yo Sawuleka

¹⁵ Sekoko Mosi a wombile a txi khene: “Ngako awe upune u si tsuli ni nathu, u nga hi kurumete kukhukha ka wuwa wukhalo.”

Eksodha 33:15 Referans Kwoze

Eksodha 34:9

a txi khene: “Mkoma, ngako ani ni di mani kukateka masoni kwako, tsimbila kumweko ni nathu, hambiko vathu vava i ku va misungo yo banga, divalela wubihi wathu ni sionho sathu, u txi hi fuya, hi va thomba yako.”

Eksodha 33:3

tsula ka dona ditikodo, adile di khulungako masi ni wulombe. Aniko ani na mbi tsula ni nanu, nguko anu mi vathu vo banga misungo, ni nga thuka ni txi mi lovisa hagari ka nzila.”

Masalmo 4:6

Vavangi va womba va txi kha vona: “I mani a no hi ninga makatekwa kani?” Mkoma hi woninge ngu liwoningo la khohe yako!

Masalmo 80:3

Awe Txizimu, tshumela u hi wusa, hi kombe liwoningo la khohe yako, kasi hi na hanya!

Masalmo 80:7

Awe Txizimu txa Mabutho a Tiyimbi; tshumela u hi wusa, hi kombe liwoningo la khohe yako, kasi hi na hanya!

Isaya 63:9

Ka kotshe kuxaniseka kwawe, ngene a nga xaniswa, se Ngelozi yile yi ku masoni kwakwe yi to va huanyisa; ngu lirando lakwe ni wumbilu wakwe, a to va tirula, se e va teka ni ku va tsimbitisa ka otshe masiku a kaleko.

2 Vafumeli 6:3

Se mmweyo wawe a to khene ka Elizewu: Ha kukombela to u tsula ni nathu. Se a nje khene kha Elizewu: Na tumela, ni na tsula ni nanu.