Eksodha 33:14 - Bhiblia Yo Sawuleka

¹⁴ Mkoma a wombile a txi khene: “Ani ngu wutumbu wangu ni na kupangalata ni na kuhumuta.”

Eksodha 33:14 Referans Kwoze

Joxuwa 21:44

Mkoma a va ningile kuhumula ka otshe madhawa, madingano ni ti a nga xambanya tona ka vatate vawe; kha ka maneka ni wammweyo wa valala vawe, a nga tsana a txi ema masoni kwawe. Mkoma a to ningela votshe valala manzani kwawe.

Joxuwa 1:5

Ni wammweyo kha na mbi tsana masoni kwako, otshe masiku a kuhanya kwako; kufana ni kule ni nga va ni Mosi, ngu toneto, ni na va ni nawe; kha ni na mbi kuleka, hambi ku kusiya.

Matewu 11:28

Ngonani kwangu, motshenu mi nga karala, mi nemelwako ngu mrwalo, ani ni na mi humuta.

Isaya 63:9

Ka kotshe kuxaniseka kwawe, ngene a nga xaniswa, se Ngelozi yile yi ku masoni kwakwe yi to va huanyisa; ngu lirando lakwe ni wumbilu wakwe, a to va tirula, se e va teka ni ku va tsimbitisa ka otshe masiku a kaleko.

Masalmo 95:11

Ni manekile ni txi pandiseka ni za ni xambanya ni txi khani: “Vathu vava kha va na mbi wulela ka wukhalo wangu wa kuhumula.”

Joxuwa 22:4

Se konkuwa Mkoma, Txizimu txanu, a ningile kuhumula ka vananu, akule a nga kuthembisa kwawe. Ngu toneto, tshumelelani matendani kwanu, ka ditiko da thomba yanu adi Mosi, txithumi txa Mkoma, a nga mi ninga, akheya mtxhatuko ka Jordhani.

Matewu 28:20

mi txi va gondisa kuvekisa totshe tiya ni nga mi leleta tona. Se wonani, ni ni nanu yotshe mbimo, kala kugumani ka mafu.”

Jeremiya 6:16

Mkoma a khene: Emani tinzilani, mi wonisisa; mi wotisela tinzila ta kale, mi txi khanu: Kasi nzila ya yinene ngu yihi kani? Sekoko, tsimbilani ngu yona. Mi na mana kuhumula ka mihefemulo yanu. Aniko vona va to xamula, va txi kha vona: Kha hi tumeli kutsimbila ngu yona.

Eksodha 13:21

Mkoma Txizimu a ti thangela masoni kwawe, ni mitshikari a ti ti va komba nzila ngu direfu, ni wusiku a ti ti va komba nzila ngu phande ya mndilo, kasi ku va woninga, kasiku va txi tsimbila kwati wusiku ni mitshikari.

Joxuwa 23:1

Ngako ku di pindile mbimo yo lapha, msana ka kuva Mkoma a di humutile Israyeli kulwa ni votshe valala vakwe va nga ti hafuhi nayo, na se Joxuwa a di kumbile ngutu,

Dhewuteronome 3:20

Kala Mkoma a txi ninga kuhumula ka vananu, kufana ni nanu, kambe ni vona va na di fuma ditiko diya, Mkoma, Txizimu txanu, a nga va ninga, kona mtxhatuko ka Jordhani; sekoko mmwani ni mmwani, a na tshumelela ka thomba yakwe, ayile ani ni nga mninga.

Eksodha 3:12

Txizimu txi ti kha txona: Ngu ditshuri ani ni na va ni nawe; ngu txiya txikombiso txi no komba ti to ani ni kurumile: Ngako u di humisile vathu vangu ngu Egipta, anu mi nata khozela Txizimu ka mmango wuwa.

Dhewuteronome 4:37

Nga ti a nga txi va randa vatate vako, e sawula liveleko lawe, msana kwawe, ene apune, a ku humisile Egipta ngu wutumbu wakwe ni mtamo wakwe wa hombe.

Dhewuteronome 12:10

Aniko mi na txhatuka Jordhani mi txi ya aka ka ditiko dile, Mkoma, Txizimu txanu, a no mi ninga di txi maha thomba yanu; ene a na ya mi vhikela ka votshe valala vanu, vale va mi randelako, kasi ku mi txi zumba ngu kudikha ni kutsana.

Dhewuteronome 25:19

Ngu toneto, mbimo yi Mkoma, Txizimu txako, a no kuninga kuhumula, a txi kuhulukisa, ka votshe valala vako, avale va ku randelako, ka ditiko dile Mkoma, Txizimu txako, a no kuninga kasi ku u txi di teka di txi maha thomba yako, u fanete kufuvisa ditina da Vaamaleki, hahatshi ka nzuma. U nga divale, ati ni mi gelako.

Dhewuteronome 31:8

Mkoma koko a na thangela masoni kwako ene a na va ni nawe; kha na mbi kuleka, kambe kha na mbi kutshotsha; u nga thave txilo, kambe u nga dhudhumele.”

Jeremiya 31:2

Mkoma a khene: Vathu va va nga huluka matxhari, va mani wuxinji txiwulani; ni na ya ninga Israyeli kuva e humula.

Jobe 34:29

Se ngako Txizimu txi txi malala i mani wa ku txi sola kani? Ngako txi txi ti tsiva khohe, i mani waku a nga txi wona, ka vathu votala, hambi ka m'thu mmweyo kani?

Dhaniyeli 12:13

Awe koko, Dhaniyeli, tsanisela kala magwito; nguko u na humula kambe u na zumba ka dikato dako, ngu magwito ka masiku.