Eksodha 33:10 - Bhiblia Yo Sawuleka

¹⁰ Se mbimo yile vathu va nga txi wona phande ya direfu yi txi ta ema ha txikeni ka ditenda, mmwani ni mmwani a txo khizama a di ha txikeni ka ditenda dakwe.

Eksodha 33:10 Referans Kwoze

1 Vafumeli 8:22

Se Solomoni a to tsula masoni ka txiluvelo txa Mkoma, masoni ka wotshe msengeletano wa ka Israyeli, se e gwimba manza me komba nzumani,

1 Vafumeli 8:14

Sekoko mfumeli a to tshembereka e katekisa wotshe msengeletano wa ka Israyeli wu nga ti emile.

Eksodha 4:31

Se athu va to kholwa; se kambe va tsakile ngu kuziva ti to Mkoma a alakanyile vanana vakwe va ka Israyeli, ngu kuwona ti vona va xanisekisako tona. Va to khizama va txi khozela Mkoma.

Luka 18:13

Aniko mkhupisi, a di emile ngu kule, a ti si tsani ni kugula maso e wona nzumani, aniko a txi ti peka khana a txi khene: ‘Txizimu txangu, telwa ngu wumbilu ni nani, ni ku muonhi.’ ”

Eksodha 13:21

Mkoma Txizimu a ti thangela masoni kwawe, ni mitshikari a ti ti va komba nzila ngu direfu, ni wusiku a ti ti va komba nzila ngu phande ya mndilo, kasi ku va woninga, kasiku va txi tsimbila kwati wusiku ni mitshikari.

Eksodha 33:9

Se mbimo yile Mosi a nga ti wulela ditendani, phande ya direfu yi ti ti relela yi ta ema ha txikeni, se Mkoma e womba-womba ni Mosi.

Eksodha 33:11

Mkoma a ti ti womba-womba ni Mosi khohe ni khohe, nga m'thu a txi womba-womba ni mngana wakwe, ngu msana Mosi a ti ti tshumela a txi ya wugoveloni. Joxuwa, mwana Nune, m'vhuneteli wakwe wa dijaha, a ti si khukhi amu ditendani.