Eksodha 32:8 - Bhiblia Yo Sawuleka

⁸ Ngu kukuluveta va hambukile ka nzila yi ni nga va leletela. Va ti mahete dirole da nzalama yo khandwa, ve di khozela, ni ku di mahela mphaxo, va txi kha vona: “Asiya nzizimu sako awe Israyeli, asi si nga kuhumisa ditikoni ka Egipta!”

Eksodha 32:8 Referans Kwoze

1 Vafumeli 12:28

Ngu konaho, mfumeli a to wumba marole mambidi a nzalama, e va gela ku khene: Mthumo wanu wawungi i nave wo kwelela Jerusalema; wa siwona sizimu sako awe Israyeli, si nga kuhumisa Egipta.

Eksodha 20:23

Mi nga ti maheleni simwani sizimu ngu didhawa dangu, mi nga ti maheleni sizimu sa silivhela, hambi sizimu sa nzalama.

Dhewuteronome 9:16

Ni woni ti to kha ditshuri, mi onhile ka Mkoma, Txizimu txanu, ngu ku ti mahela dirole da simbi yo tshulwa, mi kuluveta ku ti hambukisa ka nzila yi Mkoma a nga mi leleta.

Valamuli 2:17

Aniko ni ka kudotho kha va engisa valamuli; va to maha wugango wo londeta simwani sizimu, kambe va txi si khizamela; va to kuluveta kuleka nzila yi va nga tsimbila ngu yona vatate vawe, yo engisa sirumo sa Mkoma; se vona kha va mahisa eto.

Eksodha 22:20

Awule a phaxelako ka simwani sizimu, i si nga ka Mkoma, a na dawa.

Eksodha 32:4

ene a to amukela singeda sa nzalama ngu manzani kwawe, e ti veka mu ka txikadyana, e ti nyivilikisa, se a txi maha ngu tona txithombe txa dirole. Sekoko va to kha vona: “Asiya ngu sona sizimu sako, awe Israyeli, asile si nga kuhumisa ditikoni ka Egipta!”

Eksodha 34:15

U nga mahe txitumelelano txokari ni vaaki va kona ditikonimo, nguko, mbimo yi va mahako wugango ni sizimu sawe, va txi si mahela miningelo ni miphaxo, va nga thuka va txi kudhana u txi ya dya timhamba tawe.

Levhi 17:7

Va nga engete kambe va txi maha mningelo wa mhamba ka madhimoni, va nga ti ti patile nawo, va txi maneka va si thembeki. Awuwa mlayo wa kala kupinduka, ka lotshe liveleko lakwe.

Dhewuteronome 9:12

Konako Mkoma a ni gete a txi khene: “Khukha, relela konkuwa, nguko vathu vako, avale u nga va humisa ditikoni ka Egipta, se va mahile kubiha; va kuluvetile kuleka nzila yi ani ni nga va leleta; va ti mahete txithombe txo tshulwa!”

Dhewuteronome 32:17

Va mahile miphaxo ka madhimoni, na i si nga ka Txizimu; ni sizimu sile va nga mbi si ziva, sizimu sa siphya, si si nga mahwa kona kuwa, asile vatate vanu va nga mbi si thava.

Masalmo 78:36

Aniko makungo a sisofu sawe i ti a makuhu; totshe ti va nga ti womba ti ti si nga ni ditshuri.

Joxuwa 22:15

Va di hokile ka vanana va ka Rubheni, ka vanana va ka Gadhi ni ka hafu ya lihunzu la ka Manasi, va to ya kha vona:

Valamuli 8:24

Se Gidhiyoni a to engeta a txi khene: “Ni tumeleleni ni txi mi mahela txikombelo txokari. Ni kombela a ti to mmwani ni mmwani e niha phera ya nzalama, ya tile mi nga handa.” Vamidhiyani va ti ti ambala tiphera ta nzalama, nguko i ti ti va ka Israyeli.

Nehemiya 9:18

hambi mbimo yile va nga ti ti mahete dirole do wumbwa, va txi kha vona: Atxiya Txizimu txako, txi txi nga kuhumisa ditikoni ka Egipta, va txi maha txiruko txa hombe.

Masalmo 106:19

Mmangoni ka Horebhi va mahile dirole da nzalama ve khozela txithombe txile txa simbi yo nyivilikiswa;

Isaya 46:6

Va xakela nzalama amu ka tithavangu, ve pima silivhela ngu sikalo; va hakela mtshuli, se ene e maha txizimu, masoni ka txona va nama ve khizama.

Jeremiya 31:32

Hi nga txitumelelano txo fana ni txi ni nga maha ni vatate vawe, ka ditshiku dile ni nga va ñola ngu dianza, kasi ku va humisa ngu ditikoni ka Egipta, se vona va txipisile txitumelelano txangu, hambiko ani ni ngadi va thembisile, kuwomba Mkoma.