Eksodha 32:5 - Bhiblia Yo Sawuleka

⁵ Mbimo yi Aroni a nga wona totshe tiya, a to aka txiluvelo masoni ka txithombe e huwelela a txi khene: “Mangwana ku na ni m'buso wo dhumisa Mkoma.”

Eksodha 32:5 Referans Kwoze

2 Vafumeli 10:20

Jehu a to womba kambe ku khene: Mahelani Bhahali msengeletano wa lisima. Se va to mahisa toneto.

Levhi 23:37

Ayiya mibuso yo lumba Mkoma, ka yona, mi fanete kuramba misengeletano yo sawuleka, kasi ku ta ningela ka Mkoma miningelo yo hiswa, miningelo ya mpatano, ni miningelo ya sakudya, miphaxo ni timhamba, mmweyo ni mmweyo ka ditshiku dakwe;

Levhi 23:2

Gela vanana va ka Israyeli u txi khawe: Mibuso yo dhumisa Mkoma, ayi mi fanelako ku yi ramba, yi na va i di mibuso yo sawuleka; mibuso yangu ngu yiya:

1 Vakorinto 5:8

Ngu konaho, he maheni m'buso, i si nga ngu mtshumbelo wa kale, i si nga ngu mtshumbelo wa tshofu ni wa wubihi, aniko he dyeni Pasika ya mapawu o mbi na mtshumbelo, a wunene ni a ditshuri.

Hoseya 8:14

Nguko Israyeli a divate M'vangi wakwe, kambe a ti akete tinyumba ta wukoma, se Judha a andisile madhoropa o tsana; aniko ani ni na rumela mndilo txitimwi ka madhoropa awe, ni kutshokomisa tinyumba tawe ta wukoma.

Hoseya 8:11

Nguko Efrayime a engetete siluvelo; aniko siluvelo si va mahile ve onha ngutu.

2 Makronika 30:5

Se va to leleta votshe va ka Israyeli, kukhukhela Bherisebha kala Dhani kasi kuva txi ta Jerusalema ku ta maha Pasika ya Mkoma Txizimu txa Israyeli. Nguko kupindile malembe o tala na va si khali kumaha Pasika madingano ni ti ti nga bhalwa.

2 Vafumeli 16:11

Se mphaxeli Uriya a to aka txiluvelo, madingano ni tile mfumeli Akazi a ngadi leletete a di Dhamasku; mphaxeli Uriya a to maha eto na a sanzi kuwuya mfumeli Akazi ngu Dhamasku.

1 Vafumeli 21:9

A to bhala ka mapapilo a txi khene: Zivisani mhaka ya kutitona, mi guleta Nabhote txitimwi ka vathu.

1 Samuwele 14:35

Sekoko Sawule a to akela Mkoma txiluvelo; atxiya njiluvelo txo khata txi a nga akela Mkoma.

Levhi 23:21

Mi fanete mi ramba msengeletano wo sawuleka, mi si mahi ni wawumwewo mthumo wo nemela. Ewo mthetho wa lisima yotshe mbimo, ka sotshe situkulwana sanu, hani ni hani mi no maneka mi txi aka kona.

Levhi 23:4

Ayiya ngu yona mibuso ya Mkoma, i ku mibuso yo sawuleka, mi no yi ramba ngu mbimo ya kona yi nga emiselwa:

Eksodha 32:4

ene a to amukela singeda sa nzalama ngu manzani kwawe, e ti veka mu ka txikadyana, e ti nyivilikisa, se a txi maha ngu tona txithombe txa dirole. Sekoko va to kha vona: “Asiya ngu sona sizimu sako, awe Israyeli, asile si nga kuhumisa ditikoni ka Egipta!”

Eksodha 12:14

Ditshiku diya di na va txialakanyiso, kambe mi na di vekisa di txi va ditshiku da m'buso wa hombe, do dhumisa Mkoma; ka tiveleko tanu di na vekiswa; di na va mthetho wa kala kupinduka.

Eksodha 10:9

Se Mosi a xamute a txi khene: “Hotshethu hi na tsula, mazambi athu ni madhota athu, ni vanana vathu vavafana ni vamahorana, ni mitxhambi yathu ya tinvuta ni ya tihomu, hi na huma naso hi txi tsula; nguko ku nava i di m'buso ka Mkoma, Txizimu txathu.”

Eksodha 32:6

Mangwanani ka kona ni mixo, va to wuka, va txi humisa miningelo yo hiswa, ni miphaxo ya kudikha. Vathu votshe va to khalahatsha va txi dya ni kusela; msana keto, va to khukha ve humula.

Eksodha 17:15

Se Mosi a to aka txiluvelo e txi raya ditina daku “Mkoma m'jeke wangu.”