Eksodha 32:4 - Bhiblia Yo Sawuleka

⁴ ene a to amukela singeda sa nzalama ngu manzani kwawe, e ti veka mu ka txikadyana, e ti nyivilikisa, se a txi maha ngu tona txithombe txa dirole. Sekoko va to kha vona: “Asiya ngu sona sizimu sako, awe Israyeli, asile si nga kuhumisa ditikoni ka Egipta!”

Eksodha 32:4 Referans Kwoze

Nehemiya 9:18

hambi mbimo yile va nga ti ti mahete dirole do wumbwa, va txi kha vona: Atxiya Txizimu txako, txi txi nga kuhumisa ditikoni ka Egipta, va txi maha txiruko txa hombe.

Dhewuteronome 9:16

Ni woni ti to kha ditshuri, mi onhile ka Mkoma, Txizimu txanu, ngu ku ti mahela dirole da simbi yo tshulwa, mi kuluveta ku ti hambukisa ka nzila yi Mkoma a nga mi leleta.

Mithumo 7:41

Se ka ona ale masiku, va to wumba dirole ve phaxa mhamba masoni ka txithombe, ve khozela ngu kutsaka mthumo wa manza awe.

Eksodha 32:8

Ngu kukuluveta va hambukile ka nzila yi ni nga va leletela. Va ti mahete dirole da nzalama yo khandwa, ve di khozela, ni ku di mahela mphaxo, va txi kha vona: “Asiya nzizimu sako awe Israyeli, asi si nga kuhumisa ditikoni ka Egipta!”

1 Vafumeli 12:28

Ngu konaho, mfumeli a to wumba marole mambidi a nzalama, e va gela ku khene: Mthumo wanu wawungi i nave wo kwelela Jerusalema; wa siwona sizimu sako awe Israyeli, si nga kuhumisa Egipta.

Hoseya 13:2

Se konkuwa va engetete sionho, ngu silivhela yawe va mahile txifananiso txo tshulwa, i ku sithombe madingano ni wutxhari wawe, sotshe mithumo ya mtshuli, va ku kha vona ngu sona: Vathu vale vaphaxako va nyunta marole.

Mithumo 17:29

Se hi di va liveleko la Txizimu, kha hi faneli kupimisa ti to wuzimu wu nga fananiswa ni nzalama, mwendo silivhela mwendo dirigwi do vatwa ngu wutxhari ni mapimo ya vathu.

Hoseya 10:5

Vahanyi va Samariya va dhuswa ngu dirole da Bheti-Avheni, ngu kumaha keto, vathu va kona va na tilaya ngu mhaka yakwe, kufana ni vaphaxeli vawe (va nga ti tsaka ngu dona), se ngu mhaka ya wudhumo wu nga khukha ka dona.

Isaya 46:6

Va xakela nzalama amu ka tithavangu, ve pima silivhela ngu sikalo; va hakela mtshuli, se ene e maha txizimu, masoni ka txona va nama ve khizama.

2 Makronika 13:8

Konkuwa mi pimisa ti to mi na mana mtamo ka wukoma wa Mkoma, awu u ku diwokoni da vanana va Dhavhidha; anu mi vathu votala ngutu, nakona, mi ni marole a nzalama awa Jerobhowamu a nga mi mahela kasiku si va sizimu sanu.

2 Makronika 11:15

Se Robhowamu a to ti sawulela vaphaxeli vakwe e va veka mimangoni, ni va madhimoni, ni marole ale a nga ma wumba.

Eksodha 20:23

Mi nga ti maheleni simwani sizimu ngu didhawa dangu, mi nga ti maheleni sizimu sa silivhela, hambi sizimu sa nzalama.

2 Vafumeli 10:29

Kambe Jehu kha huluka kuonha nga tile a nga maha Jerobhowamu, mwana Nabhote, a nga za e onhisa Israyeli, ngu marole a silivhela, ma nga txi maneka Bheteli ni Dhani.

Eksodha 32:1

Se mbimo yile vathu va nga wona taku Mosi wa swela kurelela ngu mmangoni, vathu va to tshuketa ka Aroni, va txi m'gela tiya: “Khukha u txi hi mahela sizimu si si no thangela masoni kwathu; nguko ene Mosi wuwa, i ku wamwamna wu a nga hi humisa ditikoni ka Egipta, kha hi txi zivi atxi txi nga m'humelela.”

1 Vafumeli 12:32

Jerobhowamu a to maha m'buso ngu mtxima wa wutxhanu ni yiraru, ka ditshiku da digumi ni mtxhanu ka mtxima.

Eksodha 28:11

U na bhala matina a vanana va ka Israyeli aha ka marigwi mambidi, nga ti va bhalisako tona ka marigwi ngu kutxetxeretela, kasi kukhigeta marigwi ma txi tsaniswa ngu sihariketo sa nzalama.

Eksodha 28:9

U na teka marigwi mambidi a onekisi aale u no bhala ka ona matina a vanana va ka Israyeli,

Eksodha 20:2

“Ani ngani Mkoma Txizimu txako, awule a nga kuhumisa ditikoni ka Egipta, amu ka nyumba ya wukhumbi.

1 Vakorinto 10:7

Mi nga ti maheni vakhozeli va sizimu sa walo, kufana ni vamwani kwawe, nga tiya ti nga bhalwa va txi kha vona: “Vathu va khalahatshile, ve dya, ve sela, ve khukha ve sinya.”

Eksodha 32:3

Sekoko vathu votshe va to tanyulela ha tinzeveni kwawe, singeda va txi ti tisa ka Aroni,

Eksodha 32:5

Mbimo yi Aroni a nga wona totshe tiya, a to aka txiluvelo masoni ka txithombe e huwelela a txi khene: “Mangwana ku na ni m'buso wo dhumisa Mkoma.”

Eksodha 32:7

Sekoko Mkoma a to khene ka Mosi: Tsula, relela, nguko vathu vako, avale u nga va humisa ditikoni da Egipta, va onhile.

Eksodha 32:24

Sekoko ani ni va gete tiya: “Awule a ku ni nzalama a na yi thavise.” Va to yi tanyulela kwawe va txi ni ninga; ani ni to yi rinza ha mndiloni, se ku txi huma dirole diya.

Eksodha 32:35

Ngu kumaha keto, Mkoma Txizimu a tsayisile vathu, nguko va kurumetile Aroni ku va mahela txithombe txa dirole.

2 Vafumeli 10:20

Jehu a to womba kambe ku khene: Mahelani Bhahali msengeletano wa lisima. Se va to mahisa toneto.

Isaya 30:22

Kambe asi si vhikelako sithombe sako sa nzalama, si na va si di nyenyezisilwe, ni si si vhikelako sithombe sako so tshulwa ngu nzalama; se u na si tshotsha hahatshi nga sigwanda sa nzambwa, kambe u na khawe ka tximwetxo ni tximwetxo txa sona: Humani hawa!

Ezekhiyele 23:8

Ni wotshe wugelegele wule a nga ta nawo ngu Egipta kha wu leka; nguko va otete nayo i di ngadi mphya, kambe va ñoletete titshumbu ta wuhorana wakwe, se ve thela kwakwe wubihi wawe.

Eksodha 20:4

U nga ti mahele sifananiso so vatwa, hambi txifananiso txa sile si ku txitimwi nzumani, hambi txa sile si ku hahatshi ha mafuni, hambi txa sile si ku mu matini, hahatshi ka mafu.

Valamuli 8:24

Se Gidhiyoni a to engeta a txi khene: “Ni tumeleleni ni txi mi mahela txikombelo txokari. Ni kombela a ti to mmwani ni mmwani e niha phera ya nzalama, ya tile mi nga handa.” Vamidhiyani va ti ti ambala tiphera ta nzalama, nguko i ti ti va ka Israyeli.

Valamuli 8:27

Se Gidhiyoni a to teka nzalama yile a txi maha txithombe txa efodhe ngu yona e txi veka didhoropani ka Ofira. Votshe va ka Israyeli va to leka Txizimu ve khozela txithombe txileya, se eto kambe ti to maha txikhuvekiso ka Gidhiyoni, ni ka yotshe nyumba yakwe.