Eksodha 32:34 - Bhiblia Yo Sawuleka

³⁴ Tsula koko konkuwa, thangela vathu u txi ya ha ni nga kuleleta kona. Ngelozi yangu yi na thangela masoni kwako. Aniko ka ditshiku di ni nota thethisa, ni nata va tsayisa ngu txionho txawe.”

Eksodha 32:34 Referans Kwoze

Dhewuteronome 32:35

Kulumba ani kuphota ni kutshumetela, txa tshuketela txikhati txi mikondo yawe yi no rithimuka, ditshiku da kulova kwawe di hafuhi, ati ti nga longiselwa vona ta tshuketela hafuhi ngu txikuluveta.

Eksodha 23:20

“Wona, na ruma ngelozi masoni kwako, ayi yi no kuxayisa hagari ka nzila, yi txi kuhokisa ka wukhalo wule ni nga kululamisela wona.

Matewu 23:35

Kasiku wu txi thekelela txitimwi kwanu wotshe mnoha wo lulama wu nga theketwa ha mafuni, kukhukhela ka mnoha wa m'lulami Abhele kala kuhoka ka mnoha wa Zakariya, mwanana wa Bharakiya, awu mi nga m'daya hagari ka wukhalo wo sawuleka ni txiluvelo.

Amosi 3:14

Ditshiku di ni no tsayisa Israyeli ngu kundaka kwakwe mlayo, ni na tsayisa txiluvelo txa Bheteli; se titxheho ta txiluvelo ti na wilwa ti wela hahatshi.

Jeremiya 5:29

Ina ani na mbi tsayisa silo siya kani? Kuwomba Mkoma. Na mbi pharela ka ditiko do nga dona diya kani?

Jeremiya 5:9

Ina ani kha ni na ku si tsayisa soneso kani? Kuwomba Mkoma. Na mbi pharela ka ditiko daku nga diya kani?

Isaya 63:9

Ka kotshe kuxaniseka kwawe, ngene a nga xaniswa, se Ngelozi yile yi ku masoni kwakwe yi to va huanyisa; ngu lirando lakwe ni wumbilu wakwe, a to va tirula, se e va teka ni ku va tsimbitisa ka otshe masiku a kaleko.

Masalmo 99:8

Awe Mkoma, Txizimu txathu, u va xamute! Kwawe u ti wonekisile kota Txizimu txi txi divalelako vathu, hambiko u nga si leki ku va tsayisa ngu sionho sawe.

Mitengo 20:16

Athu hi to dila ka Mkoma, se ene a to engisa mapswi athu, e rumela mtumi wakwe wuta hi humisa Egipta. Se konkuwa hiho aha Kadhesi, ka m'ti wuwa wu kuho ha m'hinganoni ni ditiko dako.

Eksodha 33:2

Ni na ruma ngelozi yi txi thangela masoni kwako (ni na humisa hahanze Vakanana, Vaamori, Vaheti, Vaferezi, Vahevhi ni Vagebhuzi),

Eksodha 20:5

U nga si khizamele, u txi si khozela; nguko ani Mkoma, Txizimu txako, ni Txizimu txa txiluse, ni tsayisako vanana ngu mhaka ya sionho sa vatate vawe, kala ka liveleko la wuraru ni la wumune, la vale va ni vengako.

Eksodha 3:17

Ngu mhaka yeto, ani ni khani: Ni na mi thusa mu kuxuphekani ka Egipta mi txi ya ditikoni da Vakanana, Vaheti, da Vaamori, da Vaferezi, da Vahevi ni da Vajebhusi ka ditiko di di khulungako masi ni wulombe.

Eksodha 15:17

Awe u na va wuleta ni ku va phaya ka mmango wu i kuthomba yako, wukhalo wule awe, Mkoma, u nga ti lulamisela kuzumba kona; wukhalo wo sawuleka Mkoma, wo akwa ngu manza ako.

Eksodha 33:12

Mosi a to womba ka Mkoma a txi khene: “Awe Mkoma u ni gete u txi khawe: Humisa vathu vava; aniko khwa ni komba awule u no mruma ni nani. Kambe u ti khawe: Na kuziva ngu ditina dako, se u mani dithomo masoni kwangu.”

Jeremiya 23:2

Ngu konaho, Mkoma, Txizimu txa Israyeli, a khene xungetano ni vadyisi va vathu vangu: “Anu mi hangalasile tinvuta tangu, mi txi ti tutumisa, kha ma khatala ngu tona. Ni na mi tsayisa ngu mhaka ya kubiha ka simaho sanu, kuwomba Mkoma.”

Jeremiya 14:10

Mkoma a womba ngu ditiko diya, a txi khene: Va dhunda kupeperukela nga tiya, kha va ti ñola kutsimbilani kwawe; ngukonaho, Mkoma kha tsakiswi ngu vona; se a na alakanya wubihi wawe, e tsayisa sionho sawe.

Hoseya 8:13

Madingano ni miphaxo ya siningo sangu, va ningela tinyama ve tshumela vedya, aniko Mkoma kha amukela; konkuwa a na alakanya kuwekela kwawe, e tsayisa sionho sawe, vona va na tshumelela Egipta.

Amosi 3:2

Ka totshe timwaya ta ha mafuni, ni zivile anu dwe; ngu koneho, ni na mi endela ngu mhaka ya wotshe wubihi wanu.