Eksodha 32:33 - Bhiblia Yo Sawuleka

³³ Sekoko Mkoma a to khene ka Mosi: “Ni na pfhita amu ka dibhuku dangu awule a nga ni onhela.

Eksodha 32:33 Referans Kwoze

Ezekhiyele 18:4

Wonani taku yotshe mihefemulo njangu; nga kule muhefemulo wa tate i ku wangu, muhefemulo wa mwanana ni wona mbwangu; muhefemulo wule wu no onha, ewo wu na fa.

Masalmo 69:28

Va pfhute mu ka dibhuku dako da wutomi! U nga va veke mu ka mtengo wa vo lulama!

Dhewuteronome 29:20

Mkoma kha na mbi m'divalela, nguko kuhenya kwakwe ni txiviti txakwe, si na tura txitimwi ka eneyo m'thu, a txi welwa ngu otshe makhombo, aawa ma nga bhalwa ka diya dibhuku, se Mkoma a na pfhita ditina dakwe hahatshi ka nzuma.

Masalmo 9:5

U kawukile mahedheni, u lovisile vabihi, u pfhita matina awe, kala kupinduka.

Levhi 23:30

ni wule a no maha mthumo hambi wa lihi lixaka, ka donedo ditshiku, ani nipune ni na maha ti to e fuva hagari ka vathu va ka kwawe.

Mtuletelo 20:12

Se ni to wona vafi vahombe ni vavadhoto, va di emile masoni ka txikhalo txa wukoma, se me tulwa mabhuku. Ku tutwe kambe dimwani dibhuku, dibhuku da wutomi. Vafi va to lamulwa madingano ni mithumo yawe, nga ti ti nga ti bhalisilwe tona mabhukuni.

Mtuletelo 13:8

Votshe vaaki va ha mafuni va na txi khozela, avava matina awe ma nga mbi bhalwa, kukhukhela makhatoni ka ditiko, amu ka dibhuku da wutomi da Txinvutana, atxi txi nga bhaywa.

Vafilipiya 4:3

Na ku kombela nawe Siziku, mngana wangu wo thembeka ti to u txi va vhuna vamame va va nga lwa kumweko ni nani ka mhaka ya Evhangeli, va di ni Klemente ni vamwani vathumi kulothu, ava matina awe ma nga bhalwa dibhukuni ka wutomi.

Mtuletelo 3:5

Awu a xulako a na ambala siamlalo so basa, se ani kha ni na mbi thuka ni pfhuta ditina dakwe dibhukuni ka wutomi. Ni na nuwela ditina dakwe masoni ka Tate wangu ni ka tingelozi takwe.

Eksodha 17:14

Sekoko Mkoma a to womba ka Mosi a txi khene: “Bhala timhaka tiya amu ka dibhuku kasi ku ti maha txialakanyiso, u gela Joxuwa tito, ni na lovisa maalakanyo a Amaleki, hahatshi ka nzuma.”

Masalmo 69:29

Aniko ani ni pandisekako ni kuxaniseka, ni wuse, u txi ni hanyisa, awe Txizimu.

Ezekhiyele 18:20

Muhefemulo wule wu onhako, ewo wu na fa; mwanana kha na mbi tekelela wubihi wa tate, hambi tate kha na mbi teka wubihi wa mwanana; kululama ka wo lulama ku nava txitimwi kwakwe, ni wubihi wa m'bihi wu na va txitimwi kwakwe.