Eksodha 32:29 - Bhiblia Yo Sawuleka

²⁹ Mosi a wombile a txi khene: “Nyamsi ti ningeleni mthumoni ka Mkoma, nguko mmwani a phaxile mhamba ngu mwanana wakwe ni mwanawe, se ka toneto mi katekisilwe nyamsi.”

Eksodha 32:29 Referans Kwoze

Matewu 10:37

“Awule a randako ngutu tate mwendo mame wakwe kupinda ani, kha ni faneli. Awule a dhundako ngutu mwanana wakwe wa mfana mwendo wa dihorana kupinda ani, kha ni faneli.

Zakariya 13:3

Se ku na maheka taku, ngako wokari a txi ngadi e profeta, tate wakwe ni mwamwakwe va nga m'veleka, va na kha vona: Khu na mbi hanya, nguko u wombawombile makuhu ngu ditina da Mkoma; se tate wakwe ni mwamwakwe, va nga m'veleka, va na thola efa, a txi ngadi e profeta.

Mavingu 21:3

Ta tumeleka ngutu ka Mkoma kumaha kulumula, ni kulamula ngu kululama, kupinda ku mninga mphaxo.

Eksodha 32:28

Se vanana va ka Levhi, va to maha nga kuwomba ka Mosi; se ka ditshiku donedo kufite 3.000 wa vathu.

Eksodha 32:30

Mangwanani ka kona, Mosi a to womba ka vathu a txi khene: “Anu mi mahile txionho txa hombe. Hambi keto, ni na kwela ni txi ya ka Mkoma, mwendo ni na ya mana kudivalelwa ka txionho txanu.”

2 Makronika 35:3

A to gela Valevhi vava ti ningetako ka Mkoma avale va nga basiswa, va nga ti ni mthumo wo gondisa votshe va ka Israyeli, a txi khene: Wuletisani dibhokiso do sawuleka ka nyumba yi yi nga akwa ngu Solomoni, mwana Dhavhidha, mfumeli wa Israyeli; kha mi na mbi va ni mrwalo wuwa makatani kwanu. Konkuwa thumelani Mkoma, Txizimu txanu, ni vathu va txona va ka Israyeli.