Eksodha 32:26 - Bhiblia Yo Sawuleka

²⁶ Mosi a to ema hagari ka wugovelo a txi khene: “Awule i ku wa Mkoma a nate hafuhi kwangu!” Sekoko votshe vanana va ka Levhi va to tshangana hafuhi kwakwe va txi mrandela.

Eksodha 32:26 Referans Kwoze

Matewu 12:30

Awu asi emiko ni nani, walwa ni nani; ani wu asi sengeletiko ni nani, wa hangalasa.”

2 Vafumeli 9:32

Jehu a to guleta khohe e wona difasitela, a nje khene: I mani eyo didhawa kwangu kani? I mani? Se mithenwa yimbidi mwendo yiraru, yi to muwona ngu ha ka difasitela.

Joxuwa 5:13

Se ku to maheka taku, ngako Joxuwa a di hafuhi ni Jeriko, a to gula maso akwe a txi wona, a to wona wamwamna wokari, a di emile masoni kwakwe, na a di ni ditxhari manzani kwakwe, se Joxuwa a to tshuketa kwakwe, a txi m'gela tiya: “U mmweyo wathu mwendo u mmweyo wa valala vathu kani?”

2 Samuwele 20:11

Kambe mmweyo ka vafana va Jowabhi a to ema hafuhi ni txirumbi txa Amasa, a txi khene: Awu a tsakako ngu Jowabhi ni wule a tsakelako Dhavhidha, a na londete Jowabhi!

Eksodha 32:25

Se Mbimo yile Mosi a nga wona ti to vathu va wekela, ngu ku kumetwa ngu Aroni, va txi sekwa ngu valala vawe,

Eksodha 32:27

Se a to khene kwawe: “Mkoma, Txizimu txa ka Israyeli a khene: Mmwani ni mmwani kwanu, a na xome ditxhari a txi di txhoma txiwununi kwakwe, tshawunyetani mi tshumela mi txiya kambe wugovelo, mi txi wulela ka ditimba ni ditimba, mmwani ni mmwani a txi daya mwanawe, mndoni wakwe, ni mwakelani wakwe!”

Dhewuteronome 33:9

ngu tate wakwe ni mame wake ene a khene: “Kha ni zivi ku va wona.” Nene kha va ziva vanawe, kambe wa timelelwa ngu vanana vakwe. Ina vona va xayisile dipswi dako, kambe va vekisile txitumelelano txako.

Masalmo 94:16

I mani a no ema ni nani hilwa ni siphukuphuku kani? I mani a no ema ni nani hilwa ni vale va mahetelako kubiha kani?