Eksodha 32:25 - Bhiblia Yo Sawuleka

²⁵ Se Mbimo yile Mosi a nga wona ti to vathu va wekela, ngu ku kumetwa ngu Aroni, va txi sekwa ngu valala vawe,

Eksodha 32:25 Referans Kwoze

Isaya 47:3

Tingana tako ti na vhunungulwa, se ku na wonaneka wumbwiri wako; ni na phota, kha ni na mbi siya m'thu ni wammweyo.

Mtuletelo 16:15

Wonani, nata kufana ni dikhokhokho: A katekile awule a wonelelako e veketa tinguwo takwe kasiku asi tsimbili tximbwiri e wonwa tingana takwe.

Mika 1:11

Pinda awe u hanyako Safiri, ni tingana tako ta kwa mbi ambala txilo; awule a zumbako Zahana kha huma; huwa ya Bheti-Ezeli yi na mi tutumisa mi huma ditikoni kwanu.

Varoma 6:21

Nji txani mi nga wuyelwa ngu txona ka sile konkuwa si mi thelako tingana kani? Nguko magwito a sona ngu lifo.

Hoseya 2:3

Kasiku ani ni si mleki a sa ambala txilo, ni m'veka kufana ni ditshiku dile a nga velekwa ngu dona, ni mmaha e fana ni txiwula, ni m'veka kufana ni ditiko da txihaha, ni m'daya ngu ditora,

Dhaniyeli 12:2

Se wungi wa vale va nga otela ha mafuni va na wuka, vamwani va na wuka ve yiswa ka wutomi wo mbi guma; kasi vamwani va na yiswa kueyiswani ni tinganani to mbi guma.

Ezekhiyele 16:63

ekasi ku u na alakanya, u txi wa tingana, khu na mbiswa kambe u tula txisofu txako, ngu mhaka ya tingana tako, mbimo yile hi no divalelana ni nawe, ka totshe tile u nga ti maha, kuwomba Mkoma.

2 Makronika 28:19

Nguko Mkoma a vekile hahatshi va Judha ngu mhaka ya Akazi, mfumeli wa Israyeli, nguko Akazi a jikisile va ka Judha ve leka kulondetela nzila ya Mkoma.

Dhewuteronome 9:20

Mkoma a ti henyile kambe ngu mhaka ya Aroni, a txi lava ku mlovisa; aniko ka txonetxo txikhati, ni kombete kambe ngu Aroni.

Genesisi 3:10

Se Adhamu a to khene: “Ni to engisa dipswi dako thembweni muwa, se ni telwa ngu dizowa, nguko ni ti tximbwiri, se ni sisala.”

Eksodha 32:26

Mosi a to ema hagari ka wugovelo a txi khene: “Awule i ku wa Mkoma a nate hafuhi kwangu!” Sekoko votshe vanana va ka Levhi va to tshangana hafuhi kwakwe va txi mrandela.

1 Vafumeli 12:28

Ngu konaho, mfumeli a to wumba marole mambidi a nzalama, e va gela ku khene: Mthumo wanu wawungi i nave wo kwelela Jerusalema; wa siwona sizimu sako awe Israyeli, si nga kuhumisa Egipta.

1 Vafumeli 14:16

A na ningela Israyeli ngu mhaka ya sionho sa Jerobhowamu, a nga onha e onhisa ni Israyeli.

Mavingu 29:18

Aha ku pwatekako ditshuri, vathu mbanyammahe dwe; kambe awule a vekisako mlayo, eyo a katekile.

Jeremiya 5:5

Naya ka vahombe, ni naya womba-womba navo; nguko va ziva nzila ya Mkoma, ni milayo ya Txizimu txawe.” Aniko votshe va ti ti funyile dikange, ni kubhenula majoke.