Eksodha 32:21 - Bhiblia Yo Sawuleka

²¹ Mosi a to womba ka Aroni a txi khene: “Njitxani va nga ku mahela vathu vava, aha koza va txi ti wuyisela txionho txa hombe txo nga txiya kani?”

Eksodha 32:21 Referans Kwoze

Genesisi 20:9

Sekoko Abhimeleki a to dhana Abrahamu, a txi ta m'gela ku khene: “U hi mahete txani kani? Njionho muni ni nga txi maha kwako, kuza u tisa mnandu wa hombe txitimwi kwangu, ni txitimwi ka mfumo wangu kani? Awe u ni mahete ati ti ku si nga ni fanelo yo mahwa.”

1 Vafumeli 21:22

se ni na fuvisa nyumba yako nga ti ni nga fuvisisa tona nyumba ya ka Jerobhowamu, mwana Nebhate, ni kufana ni nyumba ya Bhahasa, mwana Ahiya, ngu mhaka ya ti u nga ni vhukisa tona, se u txi onhisa Israyeli.

1 Vafumeli 14:16

A na ningela Israyeli ngu mhaka ya sionho sa Jerobhowamu, a nga onha e onhisa ni Israyeli.

1 Samuwele 26:19

Konkuwa koko, na ku kombela awe mfumeli nyamne wangu, ti to u engisa mapswi a txithumi txako: Ngako Mkoma a txi kukurumeta ku ni wukela, a na amukele mningelo wa sakudya; kambe ngako i di vanana va vathu va na ruketelwe masoni ka Mkoma; nguko nyamsi vona va ni tutumisile, kasi ku ni si mani txyavelo txa thomba ya Mkoma, va txi kha vona: Tsula, u ya thumela simwani sizimu.

Genesisi 26:10

Abhimeleki a to engeta, a txi khene: “U hi mahete txani toneto kani? Kudotho nga m'thu wokari wa ka kwathu a di otete ni msikati wako, se konaho u ndi nava u di hi wuyisete mnandu.”

Eksodha 32:20

Ngu msana a to teka dirole dile va nga ti di mahile, e di hisa a txi di kuya di txi maha lifenyenye a txi li wavalasa matini. Se e ninga vanana va ka Israyeli mati a kona va txi sela.

Eksodha 32:22

Sekoko Aroni a to khene: U nga henye awe nyamne wangu; awe wa tiziva ti to vathu vava va bihile ngutu;

1 Samuwele 15:14

Sekoko Samuwele a to khene: Diguwa da txani koko, da tinvuta di di pfalako tinzeveni kwangu, ni kubhoma ka tihomu ta mikati ni kupfako kani?