Eksodha 32:2 - Bhiblia Yo Sawuleka

² Aroni a to va xamula a txi khene: “Thaviselani singeda sa nzalama ati ti ku tinzeveni ka vasikati vanu, ni ka vanana vanu vavafana ni vamahorana, mi txi ni tisela kona hawa.”

Eksodha 32:2 Referans Kwoze

Hoseya 2:8

Ene koko, kha tizivi ti to ani ni mnigile sakudya, ni dosi, ni mafura, kambe ni muengetete silivhela ni nzalama, sile va nga maha ngu sona txithombe txa Bhahali.

Ezekhiyele 16:17

Se u tekile singwavila sako so tshura, asile ni nga kuninga sa nzalama yangu, ni sa silivhela yangu, u txi khanda sithombe sa txiwamna, u txi maha wugango naso.

Eksodha 35:22

Vavamna ni vavasikati, votshe avale va nga txi ti lava ngu mbilu, va to kombisa, va txi heleketa masinda, singeda, tiphera, tiketani sotshe simaha sa nzalama; mmwani ni mmwani a to maha mningelo wa nzalama, awule a nga wu longisela kuva wa Mkoma.

Genesisi 24:47

Sekoko ni to mu wotisa ni txi khani: U mwanana wa mani kani? Ene a ni xamute a txi khene: “Ni mwanana wa Bhetuweli, mwana Nahori ni Milka.” Sekoko ni to nameka phera ha thonvuni kwakwe, ni txi mu ambeka masinda mawokoni kwakwe.

Genesisi 24:22

Mbimo yi makamelu ma nga gwita kusela mati, wamwamna a to teka txikurufu txa nzalama, txa hafu ya dixekele kunemela ka txona, a txi mnameka ha thonvuni, ni masinda mambidi, a digumi da maxekele kunemela ka ona, a txi mu ambalisa mawokoni kwakwe.

Eksodha 20:23

Mi nga ti maheleni simwani sizimu ngu didhawa dangu, mi nga ti maheleni sizimu sa silivhela, hambi sizimu sa nzalama.

Eksodha 32:3

Sekoko vathu votshe va to tanyulela ha tinzeveni kwawe, singeda va txi ti tisa ka Aroni,

Mavingu 25:12

Awule a gondako ngu kuengisa sileleto, i txhuko kupinda singeda sa nzalama yo hehuka.

Isaya 30:22

Kambe asi si vhikelako sithombe sako sa nzalama, si na va si di nyenyezisilwe, ni si si vhikelako sithombe sako so tshulwa ngu nzalama; se u na si tshotsha hahatshi nga sigwanda sa nzambwa, kambe u na khawe ka tximwetxo ni tximwetxo txa sona: Humani hawa!

Isaya 3:19

sikurufu ni tiketani, ni syambalo so vangamela;