Eksodha 32:19 - Bhiblia Yo Sawuleka

¹⁹ Mbimo yi a nga va a di hokile ha wugoveloni, a txi wona dirole ni kusinya ka vathu, Mosi a to tala ngu txiviti, a to tshotsha sileti si si nga ti manzani kwakwe a txi si faya hafuhi ka mmango.

Eksodha 32:19 Referans Kwoze

Vaefesu 4:26

Ngako mi txi henya, mi nga onheni; ditambo di nga swe mi di ngadi henyile.

Marku 10:14

Aniko Jesu, mbimo yi a nga wona tiya, a to henya, a txi khene: “Lekani sivananana si txi ta kwangu, mi nga si tsimbiseni, nguko Mfumo wa Txizimu wu lumba ava vo nga tiya.

Marku 3:5

Ene a to rumaruma ngu maso, ngu kuhenya na a di pandisekile ngu mhaka ya kubanga ka timbilu tawe, se a txi gela m'thu wule a txi khene: “Nawuluta dianza dako.” Ene a to di nawuluta, se dianza dakwe di hanya.

Matewu 5:22

Aniko ani ni khani: Awule a henyelako mkwawe a na yiswa kuthethiswani. Awule a rukako mkwawe a txi khene: ‘Txiphukuphuku’ a na ya lamulwa banzani. Ani wule a rukako mkwawe a txi khene ‘Dihundwa’, a na sungwa e rinzwa mndiloni ka Gehena.

Zakariya 11:14

Sekoko ni to funya ndonga yangu ya wumbidi, yi i ku Kupfana, ti to ni hangalasa wuxaka hagari ka Judha ni Israyeli.

Sidilo 5:15

Kutsaka ka timbilu tathu ku gumile, kusinya kwathu ku hindukile txidilo.

Jeremiya 31:32

Hi nga txitumelelano txo fana ni txi ni nga maha ni vatate vawe, ka ditshiku dile ni nga va ñola ngu dianza, kasi ku va humisa ngu ditikoni ka Egipta, se vona va txipisile txitumelelano txangu, hambiko ani ni ngadi va thembisile, kuwomba Mkoma.

2 Samuwele 6:14

Se Dhavhidha a to ndaka-ndaka ngu wotshe mtamo wakwe masoni ka Mkoma, na a di ambate efodhe ya linyu.

Dhewuteronome 27:26

“Dikhombo di nave ka wule a si ñolisisiko mapswi a mlayo, asi ma vekisi!” Vathu votshe va na womba va txi kha vona: “Amen!”

Mitengo 12:3

Se Masoni ka Mkoma kuwonekile ti to Mosi i ti m'thu wo dikha ngutu kupinda votshe vathu ha mafuni.

Eksodha 32:11

Mosi a to khongela ka Mkoma, Txizimu txakwe, a txi khene: “Mkoma, ngu kutxani kuhenya kwako ku txi tura u txi wukela vathu vako, avale u nga va humisa ditikoni ka Egipta, ngu mtamo wa hombe ni dianza do tsana kani?

Eksodha 15:20

Sekoko Miriyamu, mprofeti wa txisikati, ndiyakwe Aroni, a to teka txingomana manzani kwakwe, ni vavasikati votshe va to mlondeta ni singomana, va txi veta ni kusinya.

1 Vakorinto 10:7

Mi nga ti maheni vakhozeli va sizimu sa walo, kufana ni vamwani kwawe, nga tiya ti nga bhalwa va txi kha vona: “Vathu va khalahatshile, ve dya, ve sela, ve khukha ve sinya.”

Eksodha 32:18

Kambe Mosi a to khene: “Hi nga diguwa da wundena, mwendo diguwa da vo xulwa, aniko diguwa da va va embelelako ni di engisako.”

Eksodha 34:1

Sekoko Mkoma a wombile kambe ka Mosi a txi khene: “Vata sileti simbidi sa marigwi sa kufana ni so khata, kasiku ani ni bhala kambe mapswi ale ni nga ti bhate ka sileti so khata, asile u nga faya.

Masalmo 119:53

Na pandiseka mbiluni kwangu, ngako ni txi wona vabihi va si khatali ngu milayo yako.

Dhewuteronome 10:2

Ni na bhala kambe ha siletini mapswi ale ma nga ti ka sileti so khata, asile u nga faya, se awe u na ya si veka amu ka dibhokiso.”