Eksodha 32:16 - Bhiblia Yo Sawuleka

¹⁶ Sileti i ti mthumo wa Txizimu ni timhaka ti ti nga ti bhatwe aha ka sileti soneso, ti ti bhatwe ngu Txizimu.

Eksodha 32:16 Referans Kwoze

Eksodha 31:18

Se a to ningela ka Mosi (a di gwitile kuwombawomba nayo mmangoni ka Sinayi) sileti simbidi sa Wufakazi, sileti sa marigwi, so bhalwa ngu litiho la Txizimu.

Vahebheru 8:10

Txitumelelano txi ni no txi maha ni nyumba ya Israyeli msana ka masiku onayo, kuwomba Mkoma, ngu txiya: Ni na veka milayo yangu mapimoni kwawe, ni na yi bhala timbiluni kwawe. Ani ni na va Txizimu txawe, ni vona va na vathu vangu.

2 Vakorinto 3:3

Nguko ti ha kubasani ti to Kristu ngene a nga bhala dipapilo ni ku di rumela ngu ngathu. Dona kha da bhalwa ngu tinta, aniko di bhatwe ngu moya wa Txizimu txi txi hanyako; i si nga ka sileti sa marigwi, aniko di bhatwe timbiluni ka vathu.

2 Vakorinto 3:7

Mthumo wa lifo, wu i ku mlayo wu wu nga bhalwa ha marigwini wu di ni kuphatima ka hombe, ku ku nga ti hanza vanana va ka Israyeli, aha koza va si sikoti kuwonetela khohe ya Mosi, ngu mhaka ya kuphatima ka khohe yakwe, hambiko i nga ti kuphatima ku kupindako,

Dhewuteronome 10:1

Konako Mkoma a to womba a txi khene kwangu: “Vata kambe sileti simbidi sa marigwi kufana ni so khata, u txi kwela u txi ta naso kwangu, txitimwi ka mmango, maha kambe dibhokiso da mapulango.

Dhewuteronome 9:15

Ni to tshumela ni relela ngu mmangoni, mmango wu ti ti tura ngu mndilo; se sileti simbidi sa txitumelano si ti ti manzani kwangu.

Eksodha 34:4

Sekoko Mosi a to vata sileti sa simbidi sa marigwi so fana no so khata, a to wuka ni mixo ngutu, e kwela mmangoni ka Sinayi, nga ti Mkoma a nga ti mu leletele, e teka sileti sa simbidi sa marigwi ngu manzani kwakwe.

Eksodha 34:1

Sekoko Mkoma a wombile kambe ka Mosi a txi khene: “Vata sileti simbidi sa marigwi sa kufana ni so khata, kasiku ani ni bhala kambe mapswi ale ni nga ti bhate ka sileti so khata, asile u nga faya.

Eksodha 32:15

Se Mosi a to wuya a txi relela ngu mmangoni a di ni sileti sa simbidi sa milayo amu manzani kwakwe, sileti si si nga bhalwa ka madhawa otshe a mambidi: Si ti bhatwe ka dimwani didhawa ni ka dimwani didhawa.

Eksodha 32:17

Mbimo yi Joxuwa a nga engisa diguwa da vathu, va nga txi tsaka, a to pimisa ati to ndihuwa, se a to womba ka Mosi a txi khene: “Ka pfala tihuwa ta yimbi ha wugoveloni.”

Jobe 19:24

Eko ngu tshoka ya txikete, ni simbi yo nemela, yotshe mbimo si txi lotelwa ha ka dirigwi!