Eksodha 32:14 - Bhiblia Yo Sawuleka

¹⁴ Sekoko Mkoma a to thindeka ka txikhawuliso txi a nga ti pimisile ku txi maha ka vathu vakwe.

Eksodha 32:14 Referans Kwoze

Jona 3:10

Se Txizimu txi to wona mithumo yawe, nga ti va nga hundulukisa tona ngu nzilani kwawe ko biha, se Txizimu txi tilayile ka wubihi wule txi nga ti ti wu wombile taku txi na wu maha, aniko kha txa wumaha.

Jeremiya 26:13

Ngu konaho, phemberusani koko mahenyelo anu ni simaho sanu, mi txi engisa dipswi da Mkoma, Txizimu txanu, sekoko Mkoma a na hunduluka ka dikhombo di a ngadi womba ngu nganu.

Masalmo 106:45

a to alakanya txitumelelano txi a nga maha navo e telwa ngu wusiwana navo, nguko lirando lakwe nda hombe.

Jeremiya 18:8

aniko ngako ditiko di ni nga womba-womba ngu dona, di txi hunduluka kubihani ka dona, nanani ni na hunduluka ni leka ku di rumelela dikhombo di ni nga ti lavile ku di rumela.

1 Makronika 21:15

Mkoma a to rumela ngelozi kuya khundumusa Jerusalema; mbimo yile yona yi nga ti khundumusa Mkoma a to ti wona, se e ti laya ngu wubihi wule; a nje khene ka ngelozi yile yi nga ti ti xasela: Tidingani! Konkuwa, thavisa dianza dako. Se Ngelozi ya Mkoma yi ti ti emile hafuhi ni txizenda txa Orinani, Mujebhusi.

2 Samuwele 24:16

Mbimo yile Ngelozi koko yi nga guleta dianza da yona txitimwi ka Jerusalema, kasiku khundumusa, Mkoma a to tilaya ngu wubihi wule; a nje khene ka Ngelozi yile yi nga ti ti xasela hagari ka vathu: Tidingani, konkuwa thavisa dianza dako. Se Ngelozi ya Mkoma yi ti ti emile hafuhi ni txizenda txa Arawuna, Mujebhusi.

Jona 4:2

Se a to kombela ka Mkoma, a txi khene: Yowe! Mkoma! Ina hi nga tona tiya ni nga womba, ni di ngadi ditikoni kwangu kani? Ngu mhaka yeto, ni ti vhikete, ni tutumela kuya Tarxixi, ngu kuziva taku, u Txizimu txo pfela, ni wumbilu, txo timisela, ni kutala ngu wunene, ni ti taku wa hunduluka ka to biha.

Joyeli 2:13

Kambe vharulani timbilu tanu, i si nga syambalo sanu, se hundulukelani ka Mkoma, Txizimu txanu; nguko ene a ni wumbilu, ni kupfela, wa swela kuhenya, mbwa hombe ngu wumbilu, kambe wa tilaya ka wubihi.

Jeremiya 26:19

Ina Ezekhiya, mfumeli wa ka Judha, ni dotshe ditiko da ka Judha, va mu date kani? Ina kha thava Mkoma, a txi kombela dikato, kuva Mkoma a txi hunduluka ka dikhombo di a nga womba ngu dona kwawe kani? Se athu, kha hi njo mahela wubihi mihefemulo yathu kani?

Dhewuteronome 32:26

Ni ti khani: “Ni na va hangalasa, va si swi va txi alakanywa hagari ka mafu!”

Eksodha 33:13

Ngako i di ditshuri ti to ni mani dithomo masoni kwako, ni kombise tinzila tako, ni na kuziva ni txi wona ti to ni mani dithomo masoni kwako. Pimisa kambe ti to vathu vava, mbathu vako.

1 Samuwele 15:11

Na tilaya nguku ni nga veka Sawule e maha mfumeli; nguko a lekile kulondeta sileleto sangu, kambe kha xayisa mapswi angu. Sekoko Samuwele a to henya, e dila ka Mkoma wusiku wotshe.

Genesisi 6:6

Sekoko Mkoma Txizimu, a to ti laya ngu kuva a di mahile m'thu ha mafuni, se a to pandiseka mbiluni kwakwe.

Mitengo 14:20

“Se Mkoma a to khene: Ani ni na va divalela, madingano ni txikombelo txako.

Dhewuteronome 10:10

Ani ni to zumba mmangoni mune wa magumi a masiku, ni mune wa magumi a wusiku, kufana ni txikhati txo khata, Mkoma a to ni engisa kambe, ku nga dile do khata, se ene Mkoma kha ni lovisa.

Dhewuteronome 32:36

Mkoma a na emela vathu vakwe, kambe a na va ni wumbilu ngu sithumi sakwe. Ngako a txi wona ti to mtamo wawe wu ngumile ni ti to kha ka sala m'thu wo sungwa mwendo wo thuseka,

Valamuli 2:18

Se mbimo yile Mkoma a nga ti ti va wusela valamuli, Mkoma a ti ti ema ni mlamuli, a txi va hulukisa manzani ka valala vawe, ka otshe masiku a mlamuliyo; nguko Mkoma a ti ti ti laya ngu tihuwa tawe, ngu mhaka ya vale va nga ti ti va xupha, ni ku va xanisa.

Masalmo 106:23

Txizimu txi pimisile ku va lovisa. Aniko, Mosi, msawuleki wa Txizimu, a va kombelete, kasiku Txizimu txi kuthutha, txi si va lovisi.

Amosi 7:3

Sekoko Mkoma a to tilaya ka tona. Ti na mbi maheka, kuwomba Mkoma.

Amosi 7:6

Se Mkoma a to ti laya ka toneto. Hambi tiya ti na mbi ngadi ti maheka: Kuwombile Mkoma Txizimu.