Eksodha 32:12 - Bhiblia Yo Sawuleka

¹² Nguko Vaegipta va na womba va txi kha vona: Ene a va humisile ngu moya wa kubiha, kasiku a txi ya va daya kona mimangoni a txi va fuvisa ha mafuni! Tshumeta txiviti txa kuhenya kwako, u txi tshumeta txikhawuliso txi u nga ti lava ku txi maha ka vathu vako.

Eksodha 32:12 Referans Kwoze

Dhewuteronome 9:28

Kasi ku vathu va ditiko dile u nga hi humisa ka dona, va si wombi va txi kha vona: “Mkoma a tandekile ku va hokisa ka ditiko dile a nga va thembisa”; ene, “ngu mhaka ya livengo navo, a va humisile kasi kuya va daya txiwulani.”

Joxuwa 7:9

Va txo tiengisa eto Vakanana, ni votshe vaaki va ditiko, va na hi ranganyeta, va txi fuvisa ditina dathu ha mafuni; sekoko u na maha txani ngu ditina dako da hombe kani?”

Eksodha 32:14

Sekoko Mkoma a to thindeka ka txikhawuliso txi a nga ti pimisile ku txi maha ka vathu vakwe.

Zakariya 8:14

Nguko a womba tiya Mkoma wa Mabutho a Tiyimbi: Ku nga kule ni nga pimisa ku mi mahela kubiha, mbimo yile vatate vanu va nga ni wusela kuhenya, kha na nga ti laya, kuwomba Mkoma wa Mabutho a Tiyimbi,

Jona 3:9

I mani a ti zivako taku mwendo Txizimu txi nga tshumela txi tilaya, se txi hambana ni txiviti txa kuhenya ka txona, kasiku hi si lovi kani?

Amosi 7:6

Se Mkoma a to ti laya ka toneto. Hambi tiya ti na mbi ngadi ti maheka: Kuwombile Mkoma Txizimu.

Amosi 7:3

Sekoko Mkoma a to tilaya ka tona. Ti na mbi maheka, kuwomba Mkoma.

Ezekhiyele 20:22

Aniko ni khwanyetile dianza, ngu mhaka yo randa ditina dangu, kasi ku di si nyenyeziswi masoni ka matiko, ka vale ni nga va humisa ka vona.

Ezekhiyele 20:14

Ati ni nga maha i mhaka ya ditina dangu ti taku di si nyetiselwi masoni ka matiko ale ni nga va humisa ka ona.

Ezekhiyele 20:9

Ati ni nga maha koko, i mhaka ya kuranda ditina dangu, kasi di si ruketelwi masoni ka vamatiko, vale va ku hagari ka vona, avo ni nga ti wonekisa ka vona, kasi ku va humisa Egipta.

Masalmo 106:45

a to alakanya txitumelelano txi a nga maha navo e telwa ngu wusiwana navo, nguko lirando lakwe nda hombe.

Masalmo 90:13

Wuya kwathu, Mkoma! U na henya kala mbimo muni? Telwa ngu wumbilu ngu vathu vako!

Masalmo 85:3

u emisile kutsukula kwako; u siwukisile dikhulo da kuhenya kwako.

Masalmo 78:38

Aniko Txizimu, ngu wumbilu wa txona, txi ti va divalete sionho sawe, txi si va lovisi; sikhati so tala txi thindekile ku va henyela, txi si va kawuki ngu txiviti.

Masalmo 74:18

Alakanya, Mkoma, ti to mlala wa kuruketela ni vathu va sipumbu va poyilela ditina dako.

Ezra 10:14

Sekoko ku na vekwe vathangeli vathu ditinani ka wotshe msengeletano, mndani ka mhaka yiya; ni votshe vale va ku madhoropani kwathu, va nga tekana ni vasikati va mamwani matiko, va nate ngu timbimo ta kona, kumweko ni madhota a didhoropa dimwedo ni dimwedo, ni valamuli vawe, hiza hi jikisa kule ni nathu kutura ka txiviti txa Txizimu txathu, ngu mhaka yiya.

Joxuwa 7:26

Se va to maha mmumbu wa hombe wa marigwi txitimwi kwakwe, kala ka ditshiku da nyamsi; ngu kumaha keto, Mkoma a to boxa kuhenyani kwakwe; ngu mhaka yeto wukhalo wule wu to dhanwa ku mkova wa Akori, kala ka ditshiku da nyamsi.

Dhewuteronome 32:36

Mkoma a na emela vathu vakwe, kambe a na va ni wumbilu ngu sithumi sakwe. Ngako a txi wona ti to mtamo wawe wu ngumile ni ti to kha ka sala m'thu wo sungwa mwendo wo thuseka,

Dhewuteronome 13:17

Kambe ni txa tximwetxo ka sile i ku so yila, kha kulaveki txi maneka manzani kwako, kasi ku Mkoma a txi boxa dikhulo da txiviti txakwe, a txi kupfela wusiwana, a txi va ni wumbilu ngu ngawe, a txi kuandisa, nga ti a nga xambanya ka vatate vako,

Genesisi 6:6

Sekoko Mkoma Txizimu, a to ti laya ngu kuva a di mahile m'thu ha mafuni, se a to pandiseka mbiluni kwakwe.

Eksodha 33:13

Ngako i di ditshuri ti to ni mani dithomo masoni kwako, ni kombise tinzila tako, ni na kuziva ni txi wona ti to ni mani dithomo masoni kwako. Pimisa kambe ti to vathu vava, mbathu vako.

Mitengo 16:21

Tshuketani kule ka msengeletano wuwa, ni na va lovisa ngu mbimwanyana.

1 Samuwele 12:22

Nguko Mkoma kha na mbi leka vathu vakwe, ngu mhaka ya ditina dakwe da hombe, nguko Mkoma ti mtsakisile ti to mi maha vathu vakwe.

1 Vafumeli 8:51

Nguko ngu vona vathu vako ni thomba yako u nga yi humisa ngu ditikoni ka Egipta, hagari ka txikho txa simbi,

Jeremiya 28:16

Ngu konaho, Mkoma a khene: Ni na kuthavisa ha mafuni, u na fa ka dona dilembe diya, nguko u wommbawombile ngu kukaneta, u txi wukela Mkoma.

Joyeli 2:17

Va na dile vaphaxeli, va thumelako Mkoma, hagari ka m'hubhe ni txiluvelo, va ne kha vona: Tsetsa vathu vako, awe Mkoma, kambe u nga ningele thomba yako tinganani, kasi ku matiko ma txi yi xakela: Nguko kutxani va no kha vona ka vathu: Txi hayi Txizimu txawe, kani?

Mitengo 14:19

Divalela vathu vava ka sionho sawe ngu wuhombe wa wumbilu wako, nga ha u nga va divalela kukhukhela Egipta, kala hawa.”

Isaya 64:7

Se kha ku na m'thu wu a dhanako ditina dako, wu a wukako e namarela kwako; nguko u hi sisete khohe yako, se u hi leka hi lova ngu mhaka ya wubihi wathu.

Isaya 64:8

Kambe konkuwa, awe Mkoma, awe ngawe tate wathu; athu hi dibumba, se awe u muwumbi wathu; kambe athu hotshethu hi mthumo wa manza ako.