Eksodha 31:6 - Bhiblia Yo Sawuleka

⁶ Ni mningile m'vhuneteli wakwe i ku Holiyabhi, mwana Ahizamake, wa lihunzu la ka Dhani. Ni thete wuzivi timbiluni ka totshe titxhari tanu, kasiku ve sikota kumaha totshe ati ni nga kuleleta:

Eksodha 31:6 Referans Kwoze

Eksodha 35:34

A mningile kambe wutxhari wo gondisa; a va ningile votshe ni Oholiyabhe, mwana Akizamake, wa lihunzu la ka Dhani,

Eksodha 35:10

Votshe vavamna vo txhariha hagari kwanu va nata ve ta thuma totshe ati Mkoma a nga leleta,

Eksodha 28:3

U na womba kambe ka votshe vale va timbilu to txhariha, avale ni nga va tata ngu moya wa wutxhari, ti to va txi mahela syambalo Aroni, kasi ku mkatekisa, a ni thumela amu ka wuphaxeli.

Mithumo 13:2

Ka ditshiku dokari, ngako va txi khozela ka Mkoma, na va txi ti tona sakudya, Moya wo Sawuleka wu to womba wu txi kha wona: “Ni sawuleleni Bharnabhasi ni Sawule, kasiku ni va ninga mthumo wu ni nga va dhanela wona.”

Luka 10:1

Msana keto, Mkoma a to sawula vamwani vagondiswa va mtxhanu wa magumi ni magumi mambidi, ni vagondiswa vambidi, a txi va rumela, ngu vambidi-vambidi, a txi va thangetisa masoni kwakwe, kuya ka yotshe miti ni otshe makhalo awa Ene a nga ti fanela kuya.

1 Vafumeli 3:12

wona ti to ni mahile tona ti u nga kombela; wona ti to ni ku ningile mbilu ya wuzivi ngutu ni kupimisisa, u sanzi ku va ho, wo fana ni nawe kha nga vaho, niku msana kwako, wa ku nga awe kha na mbi humelela.

Jakobe 1:5

Se ngako mmweyo wanu a txi pwata wutxhari a na wu kombele ka Txizimu, atxi txi ningako votshe vathu ngu wunene, na txi si feleli, a na ningwa.

Eksodha 36:8

Ngu toneto, totshe titxhari hagari ka votshe avale va nga ti thuma ha kuakani, va to aka ditenda do sawuleka, ve maha mthumo wa lisima, ngu digumi da tinguwo ta linyu yo tshuriselwa, yi lukelwa nguwo ya mkungu, ni ya txiwunguwungu, ni yo bhilivila, ti di ni mifananiso ya makerubhima o rungelwa ngu kutshuriselwa.

Eksodha 6:26

Aroni ni Mosi, ngu vale Txizimu txi nga womba kwawe txi txi kha txona: Humisani vanana va ka Israyeli ditikoni ka Egipta, ngu mabutho awe a tiyimbi.

Eksodha 31:5

kasi kukenya marigwi a lisima, kuvata mapulango ni kumaha totshe tixaka ta mithumo.

Eksodha 35:35

a va ningile wutxhari wo maha totshe tixaka ta mithumo ya kuwumba ni ya kuvata; ya kurunga ko tshurisela aha ka tinguwo ta mkungu, ni to bhilivila, ni ta mkuxe ni ta linyu, kasiku va txi ziva kumaha mithumo yotshe ni kutumbula yimwani.

Eksodha 38:23

Ene a txi vhunwa ngu Oholiyabhe, mwana Ayizamake, wa lihunzu la ka Dhani, wo txhariha amu ka mavato, ni kutshurisa, ni ku rungela nguwo ya mxowo wa mkungu, ni wa txiwunguwungu, ni wo bhilivila ni linyu yo tshura yo lukwa.

Eksodha 35:4

Mosi a wombile kambe ka wotshe msengeletano wa vanana va ka Israyeli, a txi khene: “Mhaka yi yi nga leletwa ngu Mkoma ngu yiya!