Eksodha 31:14 - Bhiblia Yo Sawuleka

¹⁴ Ti di ngeto, vekisani masabhata angu, nguko kwanu i mhaka yo sawuleka. Awule a di bihisako a na khawuliswa ngu kudawa, awule ka donedo ditshiku a mahako mthumo wokari a na thaviswa hagari ka vathu va ka kwawe.

Eksodha 31:14 Referans Kwoze

Ezekhiyele 44:24

Ngako ku ti ni mahungu, va na ma lamula; va na ma lamula ngu malamulelo angu; ngu milayo yangu ni sileleto sangu, va na vekisa yotshe mipipi yangu, va na sawulekisa Masabbata angu.

Ezekhiyele 20:24

nguko kha va thumisa milayo yangu, kambe va lekile sileleto sangu, ve nyenyezisa Masabbata angu, maso awe ma rendekete ka sithombe sa vatate vawe.

Ezekhiyele 20:21

Aniko vanana va ni wukete, kha va tsimbila ngu sileleto sangu, kambe kha va xayisa milayo yangu, saku m'thu a txi si londeta, a na hanya ngu sona; vona va nyetisete Masabbata angu; ngu mhaka ya eto ni nga khani ni na theketa txiviti txangu txitimwi kwawe, kasi kukombisa kuhenya kwangu amu txiwulani.

Ezekhiyele 20:16

Nguko va lekile milayo yangu, kha va tsimbila ngu sileleto sangu, kambe va onhetete Masabbata angu; nguko mbilu yawe yi ti ti londetela msana ka sithombe sawe.

Nehemiya 9:14

Se u va zivisile Sabbata yako yo sawuleka; ni sirumo, ni sileleto, ni mlayo u va ningile ngu dianza da txithumi txako Mosi.

Eksodha 20:8

Alakanya ditshiku da Sabbata, u txi di sawulekisa.

Johani 7:23

Sekoko, ngako m'thu a yiswako wukwerani ngu Sabbata, ti txi maneka i si nga kundaka Mlayo wa Mosi, mi ni henyela ngu txani, ngako ni di hanyisile m'thu, mmidi wakwe wotshe, ngu Sabbata kani?

Eksodha 31:15

Amu ka mtxhanu wa masiku ni dimwedo ku na thumwa aniko ka ditshiku da wutxhanu ni mambidi, ku nava i di Sabbata ya kuhumula ko hetiseka, kasi kudhumisa Mkoma.

Levhi 16:29

Awuwa mlayo ngu wu anu mi no wu vekisa ka yotshe mbimo. Ka ditshiku da wugumi, ka mtxima wa wutxhanu ni yimbidi, mi fanete mi txi va ni masaluko o ti dilela sionho sanu, anu ni valuveli vanu, avale va hanyako kumweko ni nanu, kambe mi nga nõleni mthumo ni wawumwewo.

Eksodha 30:33

Awule a no maha mamwani o fana nawo, mwendo kutota ngu ona m'thu wo mbi sawuleka, a na tutumiswa aha ka lixaka la ka kwawe.”

Eksodha 30:38

Awule a no maha tximaha txo fana kasiku e ti mahela dibaselo do bhumula, a na tutumiswa aha ka lihunzu la ka kwawe.”