Eksodha 31:13 - Bhiblia Yo Sawuleka

¹³ Womba ka vanana va ka Israyeli u txi khawe: “Mi na vekisa masabhata angu ngu ditshuri, nguko njikombiso txo mbi guma hagari kwangu ni nanu, ka totshe tiveleko tanu, kasiku mi txi ziva ati to, ani ngani Mkoma, awule a mi sawulekisako.”

Eksodha 31:13 Referans Kwoze

Ezekhiyele 20:20

Se sawulekisani Masabbata angu, kasi kumaha txikombiso hagari kwangu ni nanu, mi na ziva ti to ani ngani Mkoma, Txizimu txanu.

Ezekhiyele 20:12

Kambe ni va ningile Masabbata angu, kasi ku ma txi maha txikombiso hagari kwangu navo, va na tiziva taku ani ngani Mkoma, ni va sawulekisako.

Levhi 19:30

Vekisani Masabbata yangu, mi va ni txithavo ka nyumba yangu yo sawuleka: Ani ngani Mkoma!

1 Vatesalonika 5:23

Txizimu txa kudikha ngu wutumbu wa txona txi na mi basise ka sotshe, se wotshe wuthu wanu, m'hefemulo, moya, ni mmidi, zumbani mi di si veketile ngu fanelo kala kuwuyani ka Mkoma wathu Jesu Kristu.

Levhi 20:8

Vekisani milayo yangu mi txi yi xayisa. Ani ngani Mkoma ni mi mahako vathu vangu vavanene.

Eksodha 31:17

Txi nava txikombiso txa kwa mbi guma, hagari kwangu ni vanana va ka Israyeli, nguko njikombiso txa kala kupinduka, mbufakazi awu wu kombako ati to Mkoma a mahile nzuma ni mafu amu ka mtxhanu wa masiku ni dimwedo, ni ti to amu ka ditshiku da wutxhanu ni mambidi a gwitile kumaha mthumo wotshe e humula.

Johani 17:17

Va sawulekise ngu ditshuri. Dipswi dako ngu dona ditshuri.

Levhi 19:3

Mmweyo ni mmweyo a na thave tate wakwe ni mame wakwe, e vekisa Masabbata tangu. Ani ngani Mkoma, Txizimu txanu!

Ezekhiyele 44:24

Ngako ku ti ni mahungu, va na ma lamula; va na ma lamula ngu malamulelo angu; ngu milayo yangu ni sileleto sangu, va na vekisa yotshe mipipi yangu, va na sawulekisa Masabbata angu.

Ezekhiyele 37:28

Se matiko ma na tiziva taku ani ngani Mkoma, ni sawulekisako Israyeli, mbimo yile nyumba yangu yo sawuleka yi no maneka hagari kwawe, yotshe mbimo.

Nehemiya 9:14

Se u va zivisile Sabbata yako yo sawuleka; ni sirumo, ni sileleto, ni mlayo u va ningile ngu dianza da txithumi txako Mosi.

Levhi 26:2

Mi na xayisa Masabbata yangu, miva ni txithavo ni nyumba yangu yo sawuleka. Ani ngani Mkoma!

Levhi 23:3

Mi na maha mithumo mu ka mtxhanu wa masiku ni dimwedo, aniko ditshiku da wutxhanu ni mambidi, i Sabbata yo humula, msengeletano wo sawuleka; kha mi na mbi maha mthumo ni wawumwewo; i Sabbata ya Mkoma kotshe mu mi zumbako kona.

Levhi 21:8

Ngu toneto, u fanete kuziva ti to i m'thu wo sawuleka, nguko mthumo wakwe ngu kumaha mningelo wa sakudya ka Mkoma. Ziva taku mbwo sawuleka, nguko ani ni sawulekile, ani ni Mkoma, ni wo sawuleka, ani ni nga mi sawula, kasiku mi txi maha vo sawuleka.

Levhi 25:2

Womba ka vanana va ka Israyeli u txi khawe: Ngako mi txi wulela ka ditiko di ni mi ningako, mafu ma na xayisa Sabbata ya Mkoma.

Judha 1:1

Judha, txithumi txa Jesu Kristu, mwanawe Jakobe, ka vale va nga dhanwa, va randekako ka Txizimu Tate, ni kuveketwa ngu Jesu Kristu:

Johani 17:19

Se ni sawulekisele vona, ti to ni vona ve sawulekiswa ditshurini.”

Matewu 23:17

Sipumbu-nu, mi mabhofu! Kasi nji txani txi ku ni lisima ngutu, kani? I nzalama mwendo dithepele di sawulekisako nzalama, kani?”

Eksodha 31:12

Mkoma a wombile ka Mosi a txi khene:

Dhewuteronome 5:12

U na vekisa ditshiku da Sabbata u txi di sawulekisa, nga ti a nga ku leletisa tona Mkoma, Txizimu txako.

Isaya 56:2

A katekile m'thu wu a no maha eto, ni mwanana wa m'thu wule a namarelako ka tona, a si nyamisiko ditshiku da Sabbata, ni kuxayisa dianza dakwe ku di si mahi to biha.

Jeremiya 17:22

Hambi kuhumisa mirwalo ngu tinyumbani kwanu ngu ditshiku da Sabbata, hambi kumaha ni wihi mthumo. Aniko sawulekisani ditshiku da Sabbata, nga kule ni nga laya vakokwani vanu.

Amosi 8:5

Mi txi khanu: U na pinda ditshiku muni m'buso wa kumeka ka mtxima, kasi ku hi txi na mana kuxavisa timbewu kani? Ni Sabbata ku hi na tula sizenda sathu sa fulaho, hi hungula efa, hi engetela mtengo wa mxavo, hi thumisa ngu kunemela sikalo so kanganyisa.