Eksodha 30:7 - Bhiblia Yo Sawuleka

⁷ Aroni a na hisela kona dibaselo do bhumula ngu txitimwi ka dona, mixo ni mixo, mbimo yile a lulamiselako malambu, ene a na hisa dibaselo di txi tuvikela.

Eksodha 30:7 Referans Kwoze

1 Samuwele 2:28

Se ani ni msawute hagari ka totshe tihunzu ta va ka Israyeli kuva mphaxeli, kasiku e ningela txitimwi ka txiluvelo txangu, ni kuhisa dibaselo, e tisa efodhe masoni kwangu; kambe ni ningete nyumbani ka tate wako, yotshe miningelo ya kuhiswa ya vanana va ka Israyeli.

Luka 1:9

a to hokelwa ngu txikhati txakwe txa kuwulela wukhaloni ko sawuleka ka Dithepele da Mkoma, kasi kuya hisa dibaselo.

1 Makronika 23:13

Vanana va Aniramu ngu vava: Aroni, ni Mosi; se Aroni a to sawulwa kasi kusawulekisa Wusawuleki wa Kusawuleka, ene ni vanana vakwe, ngu ha ku si gwitiko, kasi kuhisa dibaselo masoni ka Mkoma, ni ku mthumela, ni kuninga makatekwa ngu ditina dakwe, ngu ha ku si gwitiko.

Mithumo 6:4

Kasi athu hi na khutala hi txi ti ningetela ka mthumo wa kukhongela ni kutxhumayela.”

1 Samuwele 3:3

Na kambe a di ngadi otete Samuwele, ni dilambu da Txizimu di sanzi kutimeka dithepeleni ka Mkoma, amu ku nga ti ni dibhokiso da Txizimu,

Eksodha 30:34

Mkoma a wombile kambe ka Mosi a txi khene: “Teka mafura o bhumula ni estakita ni onika ni galbhano; sotshe siya so bhumula u na si pata ni dibaselo ngu mpimo wumwewo.

Eksodha 30:6

U na veka txiluvelo masoni ka m'jiyo awule wu ku ngu masoni ka dibhokiso da txitumelelano, masoni ka txikhalo txa wuxinji atxi txi ku txitimwi ka wufakazi, ahale ni nota manana kona ni nawe.

Eksodha 30:8

Mbimo yile Aroni a turisako malambu, ni minova a na hisa dibaselo e di tuvikisela. Ku nava dibaselo da mbimo yotshe masoni ka Mkoma, ka totshe tiveleko tanu.

Eksodha 40:27

se a to hisa ngu txitimwi dibaselo do bhumula, nga tonti Mkoma a nga leletisa tona ka Mosi.

Mitengo 7:56

dijingo da nzalama, da digumi da maxekele, na di di tate ngu dibaselo;

Mitengo 16:40

Si nava txialakanyiso ka vanana va ka Israyeli; kasi ti to ku si thuki ku txi va ni m'thu mmwani awu i singako wa lihunzu la ka Aroni, a no tshuketa e ningela dibaselo masoni ka Mkoma, a nga dhuka e fana ni Kora ni mtxawa wakwe, nga ti Mkoma a nga womba ngu txisofu txa Mosi.

2 Makronika 2:4

Wonani ku ni lava kuakela nyumba ditina da Mkoma, Txizimu txangu, kasi ku ni na mu dhumisa, ni ku m'hisela dibaselo do bhumula, ni kuveka dipawu da masiku otshe, ni mningelo wo hiswa wa mixo ni wa mitshikari, ni wa Masabhata, ni wa mitxima ya yiphya, ni mibuso ya Mkoma Txizimu txathu; i ku fanelo ya va ka Israyeli ya mbimo yotshe.

2 Makronika 26:18

Ve ya wulela ve mtsimba mfumeli Uziya, va txi kha vona: Uziya, mthumo wo hisa dibaselo masoni ka Mkoma hi nga wako, mbwa vaphaxeli, vanana va Aroni, a va hi ku vona va nga sawulwa kuhisa dibaselo, huma dithepeleni muwa! Mhaka yi u yi mahako kha yi na kutsanisa kukatekiswa ngu Mkoma Txizimu.

Levhi 6:5

mwendo ngu sotshe sile a nga xambanya ngu makuhu; se a na si tshumeta sotshe, e sanzekela ngu mpimwanyana wa wutxhanu; ngu ditshiku da mningelo wa kudivalelwa ka mnandu wakwe, a na si ningela ka nyamne wa sona.

Dhewuteronome 33:10

Va gondisile sileleto sako ka Jakobe, ni mlayo wako ka Israyeli; vona va wuyisile kubhumula ka dibaselo tithonvuni kwako, ni mningelo wo hiswa txitimwi ka txiluvelo txako.

1 Makronika 6:34

mwana Elikana, mwana Jerowami, mwana Eliyeli, mwana Towa,

2 Makronika 2:3

Solomoni a to rumela dipswi ka Hiramu, mfumeli wa Tiro, a txi khene: Ngako u nga rumela tate wangu mikedhari yo aka ngu yona nyumba yo e zumba ka yona, ni mahele toneto nani.

2 Makronika 29:7

Va to vhala matimba a m'hubhe, ve tima ni malambu, ve leka kuhisa dibaselo, kha va ningela mningelo wo hiswa ha wukhaloni ko sawuleka ka Txizimu txa Israyeli.

Masalmo 141:2

Mkombelo wangu wu na fane ni dibaselo di di hiswako masoni kwako ni kuguletwa ka manza angu ku na fane ni mhamba ya minova.