Eksodha 30:35 - Bhiblia Yo Sawuleka

³⁵ Ngu sona siya u na maha ngu sona dibaselo ni mafura o bhumula o pataniselwa, nga ti nyasingeme a mahako. Mafura o lungwa, o basa ni kusawuleka;

Eksodha 30:35 Referans Kwoze

Levhi 2:13

Se u fanete u txi lunga ngu mnyu, yotshe miningelo ya sa sakudya; kambe ku nga pwateke mnyu ka sakudya sa sako sa mningelo, wa txitumelelano txa Txizimu txako; Lunga ngu mnyu yotshe miningelo yako ya sakudya.

Eksodha 30:25

Ngu sotsheso u na maha mafura o tola ka kusawuleka, txingema txo bhumula, i ku mthumo wa nyasingeme. Ma nava mafura o tola ko sawuleka.

Johani 12:3

Sekoko Mariya a to teka mafura o bhumula, a nardhu, o mbi patelwa ni txilo, o dhula ngutu, e tota mikondo ya Jesu, se e mu bahulela mikondo ngu misisi yakwe. Nyumba yi txi tala ngu kubhumula ka mafura.

Ndando ya Tindando 3:6

I mani wu a kwelelako ngu txiwulani, kufana ni tiphande ta wutshi, a bhumulako mira ni dibaselo, ni tixaka ta totshe tipowa to bhumula kani?

Ndando ya Tindando 1:3

Mafura ako manene amu ko bhumula; ditina dako di fana ni mafura o tshakunutwa; ngu mhaka yeto timbiri ta kuranda.

Mavingu 27:9

Mafura ni sotshe so nungela si tsakisa mbilu; ngu toneto ni sileleto sa mngana, ka wule a lwalako.

Eksodha 30:34

Mkoma a wombile kambe ka Mosi a txi khene: “Teka mafura o bhumula ni estakita ni onika ni galbhano; sotshe siya so bhumula u na si pata ni dibaselo ngu mpimo wumwewo.

Eksodha 30:36

u na kuya di txi maha lifenyenye u txi di veka masoni ka ditenda da msengeletano, ahale ni no ya manana kona ni nawe. Txingema txiya, kwanu, txi na va i di txingema txo sawuleka ngutu.

Eksodha 28:41

Ngu mhaka yeto u na ambalisa Aroni, mwananu, kumweko ni vanana vakwe. Ngu msana u na va tota ngu mafura, kambe u na va ninga fanelo ni ku va sawulekisa, kasiku ve thuma mthumo wangu wa wusawuleki.

Levhi 16:12

Kambe a na teka txo hisa ka txona dibaselo, txo tala ni makala a mndilo, o huma ka txiluvelo txi txi ku masoni ka Mkoma, ni manza akwe ma di tate ngu dibaselo do kuywa, do bhumula, e di wuleta amu ka m'jiyo.

1 Vafumeli 1:39

Se Zadhoki, mphaxeli, a to teka tximole txa mafura a dibhokiso da txitumelelano, e tota Solomoni, va to veta mpundu, se votshe vathu va to womba va txi kha vona: “A na hanya mfumeli Solomoni!”

1 Makronika 9:30

Se vokari ka vanana va vaphaxeli i ti vamahi va makha.

Masalmo 133:2

Kufana ni mafura o bhumula ma nga thelwa ha msungo ka Aroni, ma xililikako ngu maletu, maletu a Aroni; me hoka likasani ka syambalo sakwe.