Eksodha 30:34 - Bhiblia Yo Sawuleka

³⁴ Mkoma a wombile kambe ka Mosi a txi khene: “Teka mafura o bhumula ni estakita ni onika ni galbhano; sotshe siya so bhumula u na si pata ni dibaselo ngu mpimo wumwewo.

Eksodha 30:34 Referans Kwoze

Eksodha 37:29

A mahile kambe mtona wa kutota ko sawuleka ni txingema txo bhumula, so mahwa ngu wutxhari.

Levhi 2:15

Se ngu txitimwi ka mningelo u na thela mtona, u sanzeka dibaselo; mningelo wa sakudya.

Eksodha 30:23

“Teka mafura a maphya amanene ngutu; u na teka mtxhanu wa makilu ni dimwedo ya mira ya yiphya; ni makilu mararu a mafura a kinamomo; ni makilu mararu a kanela;

Eksodha 25:6

mtona wa malambu, singema sa mafura o tola ni a dibaselo do bhumula,

Matewu 2:11

Se va di wulete nyumbani, va mani mwanana ni mame wakwe Mariya, se va to khizama, ve mu khozela; va di tute mikwama yawe va to mluva ngu nzalama ni dibaselo ni mira.

Ndando ya Tindando 3:6

I mani wu a kwelelako ngu txiwulani, kufana ni tiphande ta wutshi, a bhumulako mira ni dibaselo, ni tixaka ta totshe tipowa to bhumula kani?

Nehemiya 13:5

se a to mlongisela nyumba ya hombe, eyo ku nga ti vekwa ka yona miningelo ya sakudya, dibaselo, siya, ni sa wugumi sa tindoho, ni vhinya, ni mtona, asi ku nga leletwa to si ningwa Valevhi, ni vaembeleli, ni va woneleti va sike, kufana ni mningelo wa kundiwitelwa wa vaphaxeli.

Levhi 24:7

Ngu txitimwi ka litxhatxha ni litxhatxha, u na veka dibaselo do sawuleka, di na va da mapawu a mningelo wo hiswa, masoni ka Mkoma, ma txi maha txialakanyiso txa kwa mbi gwita.

Levhi 5:11

Aniko, a txi tandeka kumana matuva mambidi, mwendo mavhondo mambidi a situvani, a nga sikota kumaha mhamba yo basisa txionho txi a nga tximaha, ngu mune wa makilu a mpupu wa wunene. Aniko a nga thuke e thela mtona txitimwi ka wona, hambi ku wu vekela dibaselo, nguko mhamba yiya, nja txionho.

Levhi 2:1

Se ngako m'thu a txi ningela mningelo wa sakudya ka Mkoma, a na phaxa ngu mpupu wa wunene, e thela mtona ni dibaselo txitimwi ka wona.

Eksodha 30:33

Awule a no maha mamwani o fana nawo, mwendo kutota ngu ona m'thu wo mbi sawuleka, a na tutumiswa aha ka lixaka la ka kwawe.”

Eksodha 30:35

Ngu sona siya u na maha ngu sona dibaselo ni mafura o bhumula o pataniselwa, nga ti nyasingeme a mahako. Mafura o lungwa, o basa ni kusawuleka;

Eksodha 31:11

mafura o tota ni dibaselo do bhumula da wukhalo wo sawuleka. Va na maha yotshe mithetho nga tonti ni nga kuleletelisa tona.”

Eksodha 35:15

txiluvelo txa dibaselo ni mipakato, ni mtona wa kutota, dibaselo do bhumula, ni m'jiyo wa txike txo wulela ngu txona nyumbani ko sawuleka;

Levhi 16:12

Kambe a na teka txo hisa ka txona dibaselo, txo tala ni makala a mndilo, o huma ka txiluvelo txi txi ku masoni ka Mkoma, ni manza akwe ma di tate ngu dibaselo do kuywa, do bhumula, e di wuleta amu ka m'jiyo.

Mitengo 4:16

Kambe Eleyazari, mwana Aroni, mphaxeli, ngene a no maha mthumo wo xayisa mtona wa malambu, ni dibaselo do bhumula, ni mphaxo wa sakudya, ka otshe masiku ni mtona wo tota, ni wotshe mthumo wo xayisa dithepele, ni sotshe asi si manekako; i ku wukhalo wo sawuleka, ni siya sa kona.”

Isaya 43:23

Khwa ni tisela sifuyo sa sidotho sa miningelo ya kuhiswa, mwendo ku ni dhunda ngu miphaxo yako; kha na kunemetisela ngu miningelo, hambi ku ku rera ngu dibaselo.

Eksodha 30:7

Aroni a na hisela kona dibaselo do bhumula ngu txitimwi ka dona, mixo ni mixo, mbimo yile a lulamiselako malambu, ene a na hisa dibaselo di txi tuvikela.

Mitengo 7:14

digombe dimwedo da nzalama, adi kunemela ka dona i ku ka digumi da maxekele, do tala ngu dibaselo;