Eksodha 30:33 - Bhiblia Yo Sawuleka

³³ Awule a no maha mamwani o fana nawo, mwendo kutota ngu ona m'thu wo mbi sawuleka, a na tutumiswa aha ka lixaka la ka kwawe.”

Eksodha 30:33 Referans Kwoze

Eksodha 30:38

Awule a no maha tximaha txo fana kasiku e ti mahela dibaselo do bhumula, a na tutumiswa aha ka lihunzu la ka kwawe.”

Genesisi 17:14

M'thu wuhi ni wuhi wa wamwamna, awule a nga mbi yiswa wukwerani, awule a nga mbi wilwa didhowo da magwito ka nyama yakwe, a na tutumiswe hagari ka m'ti wa lihunzu la ka kwawe, nguko a eyisile Txitumelelano txangu.”

Eksodha 12:15

Mndani ka mtxhanu wa masiku ni mambidi mi na dya mapawu o mbi tshumbelwa, kukhukhela ka ditshiku do khata kala ka ditshiku da mtxhani ni mambidi, mi na thavisa mtshumbelo tinyumbani kwanu, nguko awule a no dya dipawu do tshumbelwa a na wilwa hagari ka va ka Israyeli.

Mitengo 9:13

Kambe ngako m'thu a di sawulekile, a sa nga enda e leka kudya Pasika, eyo m'thu a na tutumiswa ka va ka kwawe, nguko kha nga humisa mningelo wa Mkoma ngu mbimo ya wona, eyo m'thu a na rwala mnandu wakwe apune.

Levhi 23:29

Awule, ka ditshiku donedo, a no va asi xaniseki ngu sionho sakwe, a na fuviswa hagari ka va ka kwawe,

Levhi 19:8

Awule a yi dyako a na rwala mnandu, nguko a nyenyezisile wukhalo wo sawuleka wa Mkoma; se a na tovelwa hagari ka vathu va ka kwawe.

Levhi 17:9

na asi wu yisi ha txikeni ka ditenda da msengeletano, kasiku eya maha mningelo ka Mkoma, a na va a txi tutumiswa ka vathu va ka kwawe.

Levhi 17:4

hambi i txo va ha txikeni ka ditenda da msengeletano, a si mahi mningelo ka Mkoma, masoni ka wukhalo wo sawuleka wa Mkoma, a na va ni mnandu, ngu kuva a di theketile mnoha; ngu toneto a na va a txi tovelwa hagari ka vathu va ka kwakwe.

Eksodha 29:33

se va na dya silo si si nga mahwa sa mningelo wo dihela sionho sawe, mbimo yile va nga ningelisiswa ni kusawulekiswa. Ni wammweyo m'thu wa hahanze kha na mbi dya, nguko nza kudya so katekiswa.

Eksodha 12:19

Mndani ka mtxhanu wa masiku ni mambidi ku nga thuke ku txi maneka mtshumbelo tinyumbani kwanu; awule a no maneka a txi dya dipawu do tshumbelwa a na hambukiswa ka msengeletano wa ka Israyeli, hambi i di mluveli mwendo txizikwa txa ditiko.

Eksodha 30:34

Mkoma a wombile kambe ka Mosi a txi khene: “Teka mafura o bhumula ni estakita ni onika ni galbhano; sotshe siya so bhumula u na si pata ni dibaselo ngu mpimo wumwewo.

Eksodha 31:14

Ti di ngeto, vekisani masabhata angu, nguko kwanu i mhaka yo sawuleka. Awule a di bihisako a na khawuliswa ngu kudawa, awule ka donedo ditshiku a mahako mthumo wokari a na thaviswa hagari ka vathu va ka kwawe.

Levhi 17:10

Se ni wuhi m'thu wa lixaka la ka Israyeli, mwendo wa mluveli wu a nga aka hagari kwawe, a txi dya mnoha wa ni lihi lixaka, ani ni na mpeka, ni mtutumisa hagari ka vathu va ka kwawe.

Levhi 17:14

Nguko wutomi wa mmidi ngu mnoha wu txihari txi ku nawo; se ngu toneto, ani ni tsimbile va ka Israyeli, ti to va si dyi mnoha wa txihi ni txihi txihari. Wutomi wa sihari wu mu ka mnoha; awule a wu dyako a na tutumiswa hagari ka vathu va ka kwawe.

Levhi 18:29

Kkambe wule a no va a txi mahetela timhaka to nyenyeza, a na tovelwa hagari ka vathu va ka kwawe.

Levhi 20:3

Ni na mronokela ngu maso angu, ni txi mwukela eyo m'thu, ni na mtutumisa hagari ka vathu va ka kwawe, nguko a ningete mwanana wakwe ka Moloke, e nyenyezisa wukhalo wangu wo sawuleka, ni ku bihisa ditina dangu do sawuleka.

Levhi 20:17

Se ngako wamwamna wokari a txi teka ndiyakwe, i ku mwanana wa tate wakwe mwendo wa mame wakwe, e wona wumbwiri wakwe, se nene e wona wakwe, eto ta yila; ngu kumaha keto, ngu wumbidi wawe, va na fuviswa masoni ka va ka kwawe; nguko a tumbute wumbwiri wa ndiyakwe; va na rwala wubihi wawe.

Levhi 20:18

Ngako wamwamna wokari a txi otela ni wamsikati wule a ku ni mitxima yakwe, e ziva wumbwiri wakwe, a txi ziva ditshina da mnoha wa wamsikati, ni wamsikati a zivile ditshina da mnoha wakwe, ngu wumbidi wawe va na fuviswa hagari ka vathu va ka kwawe.

Levhi 22:3

Va gele u txi khawe: Kukhukhela ka kuwa, m'thu wule i ku wa lihunzu lanu ni wa liveleko lanu, awu a tshuketako hafuhi ka simaha so sawuleka, asi va ka Israyeli va nga si lulamisa, va txi si tisa kwangu, na a sa basa eyo m'thu a na fuviswa hagari kwanu. Ani ngani Mkoma!

Mitengo 4:18

“Wonani tito, ka nyumba ya lihunzu la ka Kohate, mi nga dhuke mi yi humisa amu ka lihunzu la ka Levhi.

Mitengo 15:30

Se awu a nga onha khakwenye hambi i ti txizikwa mwendo mluveli, a ruka Mkoma; eyo m'thu a na tutumiswa hagari ka vanana va kakwawe.

Mitengo 15:31

Nguko a eyisile dipswi da Mkoma, e leka khakwenye ati a dinganako ku ti maha; eyo m'thu a na tutumiswa ngu txionho txakwe apune, ka va kakwe.

Mitengo 19:13

Awule a gwesako m'thu wa kufa, asi ti sawulekisi, a nyenyezisile Nyumba ya Mkoma. Eyo m'thu a na tutumiswa hagari ka va ka Israyeli, nguko kha nga xwanyelwa ngu mati o sawuleka; a nga txi yila; kunyenyeza kwakwe ku nga diho hammidini kwakwe.

Mitengo 19:20

Awu asi ti sawulekisako, a na tutumiswa hagari ka msengeletano, nguko a nyenyezisile wukhalo wo sawuleka wa Mkoma; ni mati o basisa ngu ona kha ma nga xwayelwa txitimwi kwakwe, ngu konaho, ka sawuleka.