Eksodha 30:26 - Bhiblia Yo Sawuleka

²⁶ U na tota ngu ona ditenda da msengeletano ni dibhokiso da txixambanyo,

Eksodha 30:26 Referans Kwoze

Mitengo 7:1

Ngu ditshiku di Mosi a nga gwitisa kuaka Ditenda da Msengeletano, a to di tota mafura, ni ku di katekisa, kumweko ni sotshe simaha sa dona, ni txiluvelo.

1 Johani 2:27

Se anu, kutotwa ku mi nga kuamukela kwakwe, wu zumbile kwanu, se kha mi ngadi mi txi fanela kugondiswa ngu m'thu; nguko kutotwa ka ditshuri, kha ku wombi makuhu, ngu konaho, zumbani kwakwe Kristu, nga ti ku nga mi gondisa tona.

1 Johani 2:20

Se anu mi totilwe ngu kusawuleka, ma tiziva totshe.

Mithumo 10:38

ti to Txizimu txi totile ngu Moya wo Sawuleka ni kutsanisa Jesu wa Nazareta; awu a nga tsimbila a txi maha ta tinene, e hanyisa votshe vale va nga ti xaniswa ngu Sathani, nguko Txizimu txi ti ni nene.

Isaya 61:1

Moya wa Mkoma Txizimu, wu txitimwi kwangu, nguko Mkoma a ni totile, kasi kuya txhumayela mahungu amanene ka sisiwana, a ni rumete kuya tirula vale va ku ni kuxaniseka mbiluni, ni kuya nuwela mhaka ya kuthukunyulwa ka va vo sungwa, ni kutulelwa ka vale vo ñolwa;

Mitengo 7:10

Se vathangeli va to ningela miningelo yawe ya mphaxo wa ha txiluveloni, ngu ditshiku di va ngadi sawula.

Eksodha 30:27

meza ni sotshe simaha sa kona, meza ya malambu ni sotshe simaha sa kona, txiluvelo txa singema,

Ezekhiyele 28:14

U ti ti dikerubhima do totwa kasi kuvhikela, kambe ni kuvekile; u ti ti mmangoni ko sawuleka ka Txizimu, u ti ti tsimbila hagari ka marigwi o phatimisa ku nga mndilo.

Mitengo 17:2

Gela vanana va ka Israyeli va txi ku nehela tindonga, ngu nyumba yimwani ni yimwani, tiza ti tshangana digumi da tindonga ni timbidi, a ti ti no huma ngu ka votshe vathangeli, madingano ni tinyumba ta vatate vawe; u na bhala ditina da m'thu ni m'thu ka ndonga yakwe.