Eksodha 30:24 - Bhiblia Yo Sawuleka

²⁴ ni mtxhanu wa makilu ni dimwedo a kasiya, ngu mpimo wa kunemela ka dixekele dimwedo da mu ditendani ko sawuleka, ni hini yimweyo ya mtona wa olivha.

Eksodha 30:24 Referans Kwoze

Masalmo 45:8

Syambalo sako sa bhumula mira, alowesi ni kasiya. Va kutsakisa ngu tindando to tshambiselwa ngu txitende! Tinyumbani ko tshuriselwa ngu makwasa a tinzofu!

Eksodha 29:40

Ngu txihambana txo khata u na ningela didhawa da wugumi da mpimo wa mpupu wo tsetsetwa ni kukanyangelwa ni didhawa da wumune da mpimo wa hini ya mtona wa miolivha wo surutetwa, ni dimwani didhawa da wumune da mpimo wa hini wa vhinya, kasi kumaha mningelo wa so sela.

Ezekhiyele 45:12

Se dixekele di na va da magumi mambidi a magera; magumi mambidi a maxekele, ni magumi mambidi ni mtxhanu wa maxekele, ni digumi da maxekele ni mtxhanu, ma nava “arateli.”

Mitengo 15:5

U na ningela ngu vhinya ya mpimo wa wumune wa hini, kasi kumaha mningelo wa sa kusela, kumweko ni nvuta yimwani ni yimwani, yi phaxwako ngu kuhiswa, mwendo kudawa.

Mitengo 3:47

U na teka mtxhanu wa maxekele ka m'thu mmwani ni mmwani; ngu kuya ngu maxekele a wukhalo wo sawuleka, u teka magumi mambidi a magera ngu dixekele .

Levhi 19:36

Mi nava ni sikalo sa sinene, ni marigwi amanene, efa ya yinene, ni hini ya yinene. Ani ngani Mkoma, Txizimu txanu, ni nga mi humisa ditikoni ka Egipta!

Eksodha 30:23

“Teka mafura a maphya amanene ngutu; u na teka mtxhanu wa makilu ni dimwedo ya mira ya yiphya; ni makilu mararu a mafura a kinamomo; ni makilu mararu a kanela;

Eksodha 30:25

Ngu sotsheso u na maha mafura o tola ka kusawuleka, txingema txo bhumula, i ku mthumo wa nyasingeme. Ma nava mafura o tola ko sawuleka.