Eksodha 30:23 - Bhiblia Yo Sawuleka

²³ “Teka mafura a maphya amanene ngutu; u na teka mtxhanu wa makilu ni dimwedo ya mira ya yiphya; ni makilu mararu a mafura a kinamomo; ni makilu mararu a kanela;

Eksodha 30:23 Referans Kwoze

Ezekhiyele 27:19

Ni ene Dhani ni Javhani, va ti ti pfhukisa ngu ka makhalo ako; ka wuxavisi wako ku ti ti wulela simbi yo swilitelwa, makamba ni titshava to bhumula.

Ndando ya Tindando 4:14

Nardhu ni safarawu, ni kalamoni ni kanela, ni yotshe mindonga ya dibaselo, ni mira ni alowesi, ni sotshe sibhumuliso.

Ezekhiyele 27:22

Vanyamabhindu va Sabha ni Rama, i ti ti vona vaxavisi vako; ka sotshe sile so bhumula ngutu, ni ka otshe marigwi a lisima, kambe ngu nzalama va ti ti xavisa ka makhalo ako.

Jeremiya 6:20

Ma ni vhuna txani mafura a Sabha ni mipepo ya ditiko da kule kani? Miningelo yanu ya kuhiswa kha yi ni tsakisi, ni miphaxo yanu kha yi ni tsakisi.

Ndando ya Tindando 1:13

Txirandwa txangu, kwangu txi fanana ni sidhavyana sa mira; txi na zumba hagari ka titshumbu tangu.

Ndando ya Tindando 1:3

Mafura ako manene amu ko bhumula; ditina dako di fana ni mafura o tshakunutwa; ngu mhaka yeto timbiri ta kuranda.

Mavingu 7:17

ni tshatshete ditaho dangu ngu mira, mafura ni kinamomo.

Masalmo 45:8

Syambalo sako sa bhumula mira, alowesi ni kasiya. Va kutsakisa ngu tindando to tshambiselwa ngu txitende! Tinyumbani ko tshuriselwa ngu makwasa a tinzofu!

Eksodha 37:29

A mahile kambe mtona wa kutota ko sawuleka ni txingema txo bhumula, so mahwa ngu wutxhari.

Eksodha 25:6

mtona wa malambu, singema sa mafura o tola ni a dibaselo do bhumula,

Eksodha 30:22

Mkoma a womba kambe ka Mosi a txi khene:

Eksodha 30:24

ni mtxhanu wa makilu ni dimwedo a kasiya, ngu mpimo wa kunemela ka dixekele dimwedo da mu ditendani ko sawuleka, ni hini yimweyo ya mtona wa olivha.

Eksodha 31:11

mafura o tota ni dibaselo do bhumula da wukhalo wo sawuleka. Va na maha yotshe mithetho nga tonti ni nga kuleletelisa tona.”

Eksodha 35:28

singema ni mafura a malambu, ni mafura o tota, ni dibaselo do bhumula.

1 Samuwele 10:1

Sekoko Samuwele a to teka txingotwana txa mafura, e ma thela ha msungo ka Sawule, se e mnyuta, a txi khene: Ina Mkoma kha kutota mafura, kuva mthangeli txitimwi ka thomba yakwe kani?

1 Vafumeli 1:39

Se Zadhoki, mphaxeli, a to teka tximole txa mafura a dibhokiso da txitumelelano, e tota Solomoni, va to veta mpundu, se votshe vathu va to womba va txi kha vona: “A na hanya mfumeli Solomoni!”

1 Makronika 9:30

Se vokari ka vanana va vaphaxeli i ti vamahi va makha.

Isaya 43:24

Khwa ni xavela ngu male, litshava lo bhumulisa, hambi ku ni khurisa ngu mafura a miphaxo yako, kambe u ni ningile mthumo ngu sionho sako, se u ni karalisa ngu wubihi wako.

Mitengo 4:16

Kambe Eleyazari, mwana Aroni, mphaxeli, ngene a no maha mthumo wo xayisa mtona wa malambu, ni dibaselo do bhumula, ni mphaxo wa sakudya, ka otshe masiku ni mtona wo tota, ni wotshe mthumo wo xayisa dithepele, ni sotshe asi si manekako; i ku wukhalo wo sawuleka, ni siya sa kona.”

1 Makronika 9:29

Nguko kwawe, vokari va ti ni mthumo wo xayisa simaha, ni sotshe siya so sawuleka, sa mpupu wo tshura, ni sa vhinya, ni sa mtona, ni sa dibaselo, ni sa makha.