Eksodha 30:20 - Bhiblia Yo Sawuleka

²⁰ Mbimo yi va no wulela ditendani ka msengeletano, va na samba ngu ona mati awa kasiku va si fi; ni kungako va txi tshuketa ha txiluveloni va txi ya maha mthumo wa kumaha mningelo wa Mkoma.

Eksodha 30:20 Referans Kwoze

Mithumo 5:5

Ngako Ananiya a di engisile mapswiyo, a to wa hahatshi efa. Se votshe va va nga tiengisa, va to tala ngu kuthava ngutu.

Masalmo 89:7

Txizimu njo dingana kuthaviseka, ngutu msengeletanoni ka vasawuleki; txona nja hombe ni kuguletwa ngutu ngu votshe va txi randelako.

1 Makronika 13:10

Sekoko kuhenya ka Mkoma ku to wukela Uza e m'daya, ngu kule a nga guleta dianza txitimwi ka dibhokiso; se a to fela koneho masoni ka Txizimu.

1 Samuwele 6:19

Se Mkoma a to daya vathu va Bheti-Semi, ngu kule va nga solela mndani ka dibhokiso da Mkoma, eza e daya vathu vo dingana 50.070 wa vavamna; sekoko vathu va to pandiseka, ngu kule Mkoma a nga maha phango ya hombe ngutu hagari ka vathu.

Eksodha 12:15

Mndani ka mtxhanu wa masiku ni mambidi mi na dya mapawu o mbi tshumbelwa, kukhukhela ka ditshiku do khata kala ka ditshiku da mtxhani ni mambidi, mi na thavisa mtshumbelo tinyumbani kwanu, nguko awule a no dya dipawu do tshumbelwa a na wilwa hagari ka va ka Israyeli.

Mithumo 5:10

Se konaho a to wela minengeni kwakwe efa. Ngako mazambi ale ma di wulete, ma to ta mu mana a di fite, se veya mu tshotsha hafuhi ni mwamna wakwe.

Eksodha 30:19

Aroni ni vanana vakwe va na samba manza ni mikondo, ka wona.

Eksodha 30:21

Va na samba manza ni mikondo kasi va si fi. Awuwa wu na va mthetho wo mbi gwita, kwakwe Aroni ni ka situkulwana sakwe, ni ka liveleko ni liveleko.”

Eksodha 40:31

Ngu konamo Mosi ni Aroni ni vanana vakwe va nga txi samba kona manza awe ni mikondo yawe.

Levhi 8:6

Se Mosi a to kombela ka Aroni ni vanana vakwe taku ve tshuketa hafuhi, aha a nga va ruma va txi samba mmidi ngu mati a mphaxo,

Levhi 16:4

Kukhata a na ambala dibhaji do sawuleka da linyu, ni txibhulukwana txa linyu, e ti sunga txiwununi ngu libhande la linyu, ni txigoko txa linyu: Asiya nziambalo so sawuleka; ngu toneto, a na samba mmidi wakwe ngu mati, a txi si ambala.