Eksodha 30:18 - Bhiblia Yo Sawuleka

¹⁸ “U na maha mkamba wa koporo, makhatoni ka wona ku nava ka koporo kambe, wo sambela ka wona. U na wu veka ngu hagari ka ditenda da msengeletano ni txiluvelo, u txi wu tata ngu mati.

Eksodha 30:18 Referans Kwoze

Eksodha 40:7

U na veka mkamba ngu hagari ka ditenda da msengeletano ni txiluvelo u txi wu thela mati u txi wu tata.

Eksodha 38:8

A to maha mkamba wa koporo, ni txipande txa kona txa koporo, ngu sibuko sa vavasikati vale va nga ti thuma ha txikeni ka ditenda da msengeletano.

2 Makronika 4:2

A to maha kambe ni Linene la silivhela yo nyivilikiswa, li ku ni digumi da mikono kukhukhela ka didhawa dimwedo kala ka dimwani, lo ranganyeta kotshe, la kuguleka ka mtxhanu wa mikono; li di ranganyetilwe ngu liketani la magumi mararu a mikono .

1 Vafumeli 7:38

Se a to maha digumi da mikamba ya koporo, ka mkamba wumwewo ni wumwewo ku ti dingana mune wa magumi a mikamba ya silivhela, se txigowolo tximwetxo ni tximwetxo i ti txa mune wa mikono, se txitimwi ka txiparako tximwetxo ni tximwetxo ku di ni mkamba.

1 Vafumeli 7:23

A to maha Linene la msuku, li ku ni digumi da mikono kukhukhela ka didhawa dimwedo kala ka dimwani, lo ranganyeta kotshe, la kuguleka ka mtxhanu wa mikono; li di ranganyetilwe ngu liketani la magumi mararu a mikono.

1 Johani 1:7

Aniko, ngako hi txi tsimbilela liwoningoni, nga txona txi ku liwoningoni, hi vamwevo ngu txathu, se mnoha wa Jesu, Mwanana wa txona wa hi basisa ka sotshe sionho.

Titosi 3:5

i si nga ngu mhaka ya mithumo yathu ya yinene hi nga yi maha, aniko ngu mhaka ya wumbilu wa txona hi sambisilwe hi phindulwa hi txi maha vavaphya ngu mtamo wa Moya wo Sawuleka,

Zakariya 13:1

Ka ditshiku dile, ku nava txisima txo lumba nyumba ya ka Dhavhidha, ni vahanyi va Jerusalema, kasi kukuwula txionho, ni kwa mbi sawuleka.

2 Makronika 4:6

A to maha kambe digumi da mikawu, mtxhanu e yi veka txinene, mtxhanu e yi veka txibhabha, kasi kuve kuwula ka yona asi si ngati lumba mningelo wo hiswa; kasi vaphaxeli va ti ti samba ngu mati amu ka linene la silivhele yo nyivilikiswa.

Levhi 8:11

Se a to xwayela txiluvelo mtxhanu wa sikhati ni simbidi ngu mtona, e tota ngu wona simaha sotshe, mkamba wa kona ni txikazelo txa kona, kasi ku si sawulekisa.

Eksodha 31:9

txiluvelo txa mningelo wo hiswa ni sotshe simaha sa txona, mkamba ni txipande txa kona;

Eksodha 30:17

Se Mkoma a to womba ka Mosi a txi khene:

Ekleziyaste 5:1

Xayisa mkondo wako, u txi wulela Nyumbani ka Txizimu; se ti namise ngutu u engisa kupinda kuningela miphaxo ya siphukuphuku, nguko kha si ti zivi ti to si maha wubihi.