Se u na teka male ya kudivalelwa ka vanana va ka Israyeli, u yi ningela ka mthumo wa ditenda da msengeletano; kambe txi na va txialakanyiso txa vanana va ka Israyeli masoni ka Mkoma, kasi kuhulukisa wutomi wanu.”
“U na maha mkamba wa koporo, makhatoni ka wona ku nava ka koporo kambe, wo sambela ka wona. U na wu veka ngu hagari ka ditenda da msengeletano ni txiluvelo, u txi wu tata ngu mati.
A to maha kambe digumi da mikawu, mtxhanu e yi veka txinene, mtxhanu e yi veka txibhabha, kasi kuve kuwula ka yona asi si ngati lumba mningelo wo hiswa; kasi vaphaxeli va ti ti samba ngu mati amu ka linene la silivhele yo nyivilikiswa.
Se a to maha txiluvelo txa mphaxo wo hiswa ngu mapulango a mndonga wa setime, txa mtxhanu wa mikono ya kulapha, ni yimwani mtxhanu wa mikono ya kuanama, i ti txa mune wa madhawa o fana, kambe txi ti ti ni mikono yiraru ya kudemba.
A to maha Linene la msuku, li ku ni digumi da mikono kukhukhela ka didhawa dimwedo kala ka dimwani, lo ranganyeta kotshe, la kuguleka ka mtxhanu wa mikono; li di ranganyetilwe ngu liketani la magumi mararu a mikono.
Se a to maha digumi da mikamba ya koporo, ka mkamba wumwewo ni wumwewo ku ti dingana mune wa magumi a mikamba ya silivhela, se txigowolo tximwetxo ni tximwetxo i ti txa mune wa mikono, se txitimwi ka txiparako tximwetxo ni tximwetxo ku di ni mkamba.
