Eksodha 30:13 - Bhiblia Yo Sawuleka

¹³ Votshe avale va no maneka va di batwe va na ningela hafu ya dixekele da mpimo wa dixekele do basa aha ka magandelo; (i ku magumi mambidi a magera ngu dixekele); hafuyo ya dixekele i mningelo wakwe ka Mkoma.

Eksodha 30:13 Referans Kwoze

Levhi 27:25

Kotshe kudinganisa ku na mahwa ngu maxekele a nyumba ya kusawuleka; dixekele dimwedo di ni magumi mambidi a magera.

Mitengo 3:47

U na teka mtxhanu wa maxekele ka m'thu mmwani ni mmwani; ngu kuya ngu maxekele a wukhalo wo sawuleka, u teka magumi mambidi a magera ngu dixekele .

Ezekhiyele 45:12

Se dixekele di na va da magumi mambidi a magera; magumi mambidi a maxekele, ni magumi mambidi ni mtxhanu wa maxekele, ni digumi da maxekele ni mtxhanu, ma nava “arateli.”

Matewu 17:24

Ngako va di hokile Kapernawume, vasengisi va mkhupo wa Dithepele va to ta ka Pedro, va txi ta kha vona: “M'gondisi wanu kha humisi mkhupo wa Dithepele kani?”

Eksodha 38:26

M'thu mmwani ni mmwani a to humisa hafu ya dixekele madingano ni mpimo wa dixekele da nyumba yo sawuleka. Votshe va va nga balwa va to sengisa toneto, kukhukhela ka va va tanga ya magumi mambidi a malembe ni kuya masoni. Mtengo wawe i ti 603.550 wa vavamna.

Matewu 27:24

Sekoko Pilato, a di woni ti to kha koti txilo, ni ti to dizunga da engeteleka ngutu, a to ruma kuve mu tisela mati, e samba manza masoni ka dibutho, na, a txi khene: “Kha ni na mnandu ka mnoha wa m'thu wuwa wo lulama! Ati ndanu mokha.”

Matewu 21:12

Se Jesu a to wulela Dithepeleni, e tovela votshe va va nga txi xavisa, ni votshe va va nga ti xava, e hangalasa timeza ta vatxitxi va timale, ni madhando a vale va nga ti xavisa situvane.

Genesisi 23:15

“Nyamne wangu, ni engise: Thembwe ya kuteka 400 wa maxekele a silivhela, nji txani txonetxo hagari kwangu ni nawe kani? Tshotsha koneho mfi wako.”

Eksodha 30:14

Votshe avale va no maneka va di batwe, kukhukhela ka wule a ku ni magumi mambidi a malembe kuya masoni, a na humisa mningelo wu wu lavekako ka Mkoma.

Eksodha 38:24

Mtengo wotshe wa nzalama ayi yi nga thumiswa ha ku akani ka nyumba yo sawuleka, nzalama yi yi nga maneka ngu msengo, i ti ya magumi mambidi ni mtxhanu ni mune wa titalenta, ni 730 wa maxekele, madingano ni mpimo wa dixekele da nyumba yo sawuleka.

Levhi 5:15

Ngako m'thu wokari a txi hambanisa mlayo ngu kulunduma amu ka miningelo ya Mkoma, sekoko a fanete kutisa ka Mkoma, kasi kudivalewa txionhotxo txa kulunduma, hamba ngu ka mtxhambi wakwe, yo mbi na txibawa. Mpimo wa kunemela wu wu dinganako kuhumiswa wa silivhela, wu ku ni fanelo yo ningelwa, madingano ni mipimo yi yi thumiswako mu dithepeleni, kasi kudivalela txionho.

Levhi 27:3

Se ngako i di txithembiso txo mahwa ngu m'thu wule a ku ni tanga ya magumi mambidi a malembe, kala tanga ya mtxhanu wa magumi ni dimwedo, a na humisa mtengo wa mtxhanu wa magumi a maxekele a silivhela, madingano ni mpimo wa dixekele da wukhalo wo sawuleka.

Mitengo 7:67

Mningelo wakwe i ti wuwa: Dijingo da silivhela, adi kunemela ka dona i ku ka 130 wa maxekele, ni mkamba wa silivhela, awu kunemela ka wona i ku ka mtxhanu wa magumi ni magumi mambidi a maxekele, madingano ni dixekele da wukhalo wo sawuleka, sotshe sa simbidi so tala ngu mpupu wo tshura, wu nga kanyangelwa ni mtona, kasi kumaha mningelo wa sakudya.

Mitengo 7:86

digumi da majingo ni mambidi a nzalama, o tala ngu dibaselo, dimwani ni dimwani di ti ti ni kunemela ka digumi da maxekele, madingano ni dixele da wukhalo wo sawuleka, yotshe nzala ya majingo, yi ti ti ni kunemela ka 120 wa maxekele;

2 Vafumeli 12:4

Se Jowasi a to gela vaphaxeli ku khene: Male yotshe ya sile so sawuleka si tiswako Nyumbani ka Mkoma, kufana ni male ya sixambanyo, ni male ya m'thu ni m'thu madingano ni mtengo wa siya, ni yotshe male yi tiswako ngu mmweyo ni mmweyo ngu kutilava kwakwe, Nyumbani ka Mkoma,

Mitengo 18:16

Se awe u na ma tirula ma di ni tanga yo dingana mtxima, u na dinganisa ngu tanga ya mtxhanu wa maxekele a silivela, madingano ni dixekele da wukhalo wo sawuleka, awu wu ku ni magumi mambidi a magera.

2 Vafumeli 12:5

yi na amukelwa ngu vaphaxeli ka m'thu ni m'thu, ve lulamisela mule yi nga onheka nyumba.