Eksodha 30:12 - Bhiblia Yo Sawuleka

¹² “Ngako u txi bala vanana va ka Israyeli ngu mitengo yawe, mmwani ni mmwani a na ningela txo tirula moya wakwe ka Mkoma, kasiku ku si maneki mtungu hagari kwawe, ka mbimo yile u va balako.

Eksodha 30:12 Referans Kwoze

Mitengo 31:50

Ngu kumaha keto, va to tisa mningelo ka Mkoma, mmwani ni mmwani ngu ha a nga pimisa ngu kona: Mihindo ya msuku, tiphera, masinda, tiketani, ni wusekenya.

1 Makronika 27:24

Jowabhi, mwana Zeruiya, a ti ti khatile kubala, kambe kha va heta, nguko Mkoma a to henyela va ka Israyeli ngu mhakeyo; ngu kumhaka keto, mtengo kha wa vekwa amu ka dibhuku da matimu a mfumeli Dhavhidha.

Matewu 20:28

Nga toneto, Mwanana wa M'thu nene, kha tela ku ta thumelwa, aniko a tete ku ta thumela, ni kuningela wutomi wakwe, kasi kutirula vavangi.”

Masalmo 49:7

Ku walo ni wammweyo wawe a sikotako kutirula mwanawe, mwendo kuningela txo ti tirula ngu txona ka Txizimu.

1 Timoti 2:6

a nga ti ningela kasi kutirula votshe vathu. Awuwa ngu wona wufakazi wu wu nga vekwa ka masiku awa ma fanelako,

Marku 10:45

Nguko Mwanana wa M'thu kha tela ku ta thumelwa, a tete ku ta thumela vamwani, ni kuningela wutomi wakwe, kasi ku na tirula vavangi.”

Jobe 36:18

Ti wonele ti to u si henyi kupinda mpimo, u nga xengwe ngu kutalelwa ngu silo.

Jobe 33:24

sekoko yi na tsetsa m'thu, yi txi kha yona ka Txizimu: Mtxhatxhe, a nga relele diphalani; se ni mani txo mtekisa ngu txona.

2 Makronika 24:6

Se mfumeli a to dhana mthangeli Joyadha, a txi khene kwakwe: Ngu kutxani u nga mbi gela Valevhi kuneha siningo si si nga leletelwa ngu Mosi, txithumi txa Mkoma, msengeletanoni ka va ka Israyeli, si humako ditikoni ka Judha ni Jerusalema, kasi ku si maha sa Ditenda da Wufakazi kani?

1 Makronika 21:14

Mkoma koko, a to rumela mtungu ditikoni ka Israyeli; se ku to fa 70.000 wa vathu.

1 Makronika 21:12

Mwendo u lava malembe mararu a nzala, mwendo kuheta mitxima yiraru masoni ka valala vako, ni ku u manwa ngu ditxhari da valala vako, mwendo kambe u lava masiku mararu ale Mkoma a no tsayisa ditiko ngu ditxhari dakwe, i ku tiya, mtungu wa ditikoni ni Ngelozi ya Mkoma, si na khundumusa yotshe mihingano ya ka Israyeli; wona koko, konkuwa, taku i xamulo muni ni no ninga wule a nga ni ruma.

Eksodha 30:11

Mkoma a wombile ka Mosi a txi khene:

Mitengo 31:49

se va txi kha vona ka Mosi: Sithumi sako si bate masotxhwa awa hi ma thangelako, se hi mani ti to vaho votshe, kha ku pwateki ni wammweyo kwathu.

1 Makronika 21:1

Sekoko Sathani a to wukela va ka Israyeli, e kujetela Dhavhidha kubala va ka Israyeli.

1 Makronika 21:3

Sekoko Jowabhi a to khene: Mkoma a na engetele ka 100 mtengo wa vathu vava; awe mfumeli, nyamne wangu, ina hi nga sona sotshe sithumi sa nyamne wangu kani? Kambe ngu kutxani awe nyamne wangu e lava kuziva mhaka yiya kani? Ina kha ti na mbi onhisa va ka Israyeli kani?

2 Makronika 24:9

Se va to gela va ka Judha ni va Jerusalema, ti to ve yisa mningelo ka Mkoma, awule Mosi txithumi txa Txizimu a nga leleta va ka Israyeli va di txiwulani.